शिष्यवृत्ती, टीईटीचा निकालही लांबणार

म. टा. प्रतिनिधी, नाशिक लॉकडाऊनच्या परिणामी इयत्ता पाचवी व आठवीच्या परीक्षांच्या निकालाचे कामकाजदेखील रखडले आहे. परिणामी या परीक्षेचा निकालदेखील लांबणीवर पडणार असल्याचे चित्र आहे. यासोबतच शिक्षक पात्रता परीक्षा ()चा निकालदेखील लांबणीवर पडणार आहे. महाराष्ट्र राज्य परीक्षा परिषदेच्या वतीने घेण्यात येणाऱ्या या परीक्षेला राज्यभरातून विद्यार्थ्यांचा उत्स्फूर्त प्रतिसाद मिळतो. यंदाही दोन्ही वर्गांसाठी मिळून सुमारे साडेनऊ लाखांवर विद्यार्थी प्रविष्ट झाले होते. परिषदेच्या वतीने अंतरिम उत्तरसूचीदेखील प्रसिद्ध करण्यात आली होती. यानंतर या उत्तरसूचीवर शाळा, पालक, विद्यार्थी अशा विविध घटकांमधून ऑनलाइन पद्धतीने आक्षेप नोंदविण्यात आले होते. विषयतज्ज्ञांच्या माध्यमातून या आक्षेपांची तपासणी करण्याचा पुढील टप्पा असतो. मात्र राज्यातील विविध क्षेत्रातील हे विषयतज्ज्ञ असल्याने सध्या लॉकडाऊनच्या कालावधीत या कामकाजात अडसर निर्माण झाला आहे. परिणामी आक्षेप तपासणी व उत्तरपत्रिकांच्या स्कॅनिंगचे काम खोळंबले असल्याने यंदा या परीक्षेच्या निकालासही विलंब होणार असल्याची चिन्हे आहेत. यंदा दीर्घ कालावधीनंतर पार पडलेली शिक्षक पात्रता परीक्षा (टीईटी) आणि इयत्ता पाचवी ते आठवीच्या वर्गांसाठी घेण्यात आलेल्या शिष्यवृत्ती परीक्षांचा निकाल करोनाच्या प्रादुर्भावामुळे लांबणीवर पडणार आहे. महाराष्ट्र राज्य परीक्षा परिषदेच्या वतीने टीईटी घेण्यात आली होती. १९ जानेवारी रोजी पार पडलेल्या परीक्षेचा निकाल एप्रिल महिन्यात जाहीर होणे अपेक्षित हेते. या परीक्षेची अंतिम उत्तरसूचीदेखील प्रसिद्ध झाली आहे. या परीक्षेसाठी राज्यभरातून तीन लाख ४३ हजार २८३ उमेदवारांनी नोंदणी केली होती. यात पेपर क्रमांक एकसाठी १ लाख ८६८७ तर पेपर क्रमांक दोन साठी १ लाख ५४ हजार ५९६ उमेदवारांनी नोंदणी केली होती.

from Career News in Marathi: Career News, मराठी Career बातम्या | Maharashtra Times https://ift.tt/2VaChB6
via IFTTT