दिल्ली विद्यापीठाच्या ऑनलाइन परीक्षा अर्जांना सुरुवात

दिल्ली विद्यापीठाने ऑनलाइन परीक्षांसाठी अर्ज भरण्याची प्रक्रिया सुरू केली आहे. हे अर्ज दिल्ली विद्यापीठाच्या मे-जून सत्राअखेरच्या परीक्षांसाठी भरून घेतले जाणार आहेत. हे अर्ज भरून देण्याची अंतिम तारीख १५ मे २०२० आहे. ज्या विद्यार्थ्यांना ही परीक्षा द्यायची आहे, ते विद्यापीठाच्या वेबसाइटवर जाऊन ऑनलाइन अर्ज करू शकतात. मात्र परीक्षेचे वेळापत्रक अद्याप जाहीर करण्यात आलेले नाही. विद्यापीठाच्या परीक्षा विभागाने विद्यार्थ्यांसाठी एक पोर्टल तयार केले आहे. येथे यूजी आणि पीजी कोर्सेसच्या नियमित आणि माजी विदयार्थ्यांसाठी परीक्षेशी संदर्भात माहिती उपलब्ध करून दिली जात आहे. यासोबतच घरी बसल्या बसल्या हे विद्यार्थी परीक्षा अर्जही भरू शकतात. कशा भरायचा अर्ज? सर्व विद्यार्थ्यांना हे अर्ज ऑनलाइन भरायचे आहेत. ज्या विद्यार्थ्यांनी कॉलेजमध्ये फॉर्म जमा केला आहे, त्यांनीही ऑनलाइन अर्ज भरायचे आहेत. ज्या विद्यार्थ्यांनी परीक्षा शुल्क भरले आहे, त्यांनी पुन्हा शुल्क भरण्याची आवश्यकता नाही. ज्यांनी शुल्क जमा केलेले नाही ते कॉलेज पोर्टलद्वारे शुल्क जमा करू शकतात किंवा कॉलेज उघडल्यानंतर विद्यार्थी शुल्क भरू शकतात. विद्यार्थ्यांनी भरलेले अर्ज संबंधित कॉलेज, विभाग, शाखानिहाय पडताळणी केली जाईल. जे विद्यार्थी स्कूल ऑफ ओपन लर्निंगच्या नियमित कॉलेज, नॉन कॉलेजिएट वुमन्स एज्युकेशन बोर्डद्वारे नोंदणी केलेले आहेत, त्यांना संबंधित संस्थेच्या वेबसाइटला भेट देण्याचा सल्ला देण्यात आला आहे. सोबतच विद्यार्थ्यांनी विद्यापीठाच्या वेबसाइटवरही लक्ष ठेवावे. भरण्यासाठी पोर्टलवर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2VJsu3Y
via IFTTT