डिजिटल मार्केटिंगमधलं करिअर: काळाची गरज

करिअरची काही अशी क्षेत्रं असतात, जी काळाची गरज ओळखून निर्माण होतात. हे त्यापैकीच एक आहे. डिजिटल मार्केटिंग हे भविष्यातील क्षेत्र आहे. म्हणजेच आज या क्षेत्रात जेवढ्या संधी आहेत, त्यापेक्षा अधिक त्या भविष्यात निर्माण होणार आहेत. उद्याचं युग हे इंटरनेटचंच युग असणार आहे. आपल्याला आजच याची झलक मिळत आहे. आणि म्हणून कंपन्यांनाही त्यांच्या जाहिरातींच्या मोहिमा इंटरनेटवरच अधिक विकसित करायच्या आहेत. या क्षेत्रात कसं करायचं याच्याशी संबंधित माहिती आम्ही येथे देत आहोत... कोणता कोर्स करायचा? जर तुम्हाला डिजिटल मार्केटिंगमध्ये चांगले करियर घडवायचे असेल तर तुम्ही डिजिटल मार्केटींगमध्ये एमबीए केले पाहिजे. एमबीए इन डिजिटल मार्केटिंग थोडं वेगळं आहे. सर्वसाधारण एमबीएमध्ये सर्व प्रकारच्या मार्केटिंगबद्दल शिकवलं जातं, पण डिजिटल मार्केटिंगमध्ये केवळ डिजिटल मार्केटिंगच शिकवलं जातं. यात वेबसाइट्स, सोशल नेटवर्क्स, गूगल जाहिराती, सर्च रिझल्ट्स इ. विषयी शिकवले जाते. का करायचा डिजिटल मार्केटिंगचा कोर्स? तुम्ही टेकसॅव्ही असाल आणि टेक्नॉलॉजीत चांगलं भविष्य घडवू इच्छिता तर तुम्ही हा कोर्स नक्की करा. भारतात क्रांतीची सुरुवात झाली आहे. बहुतांश कंपन्या कंपन्या आपल्या मार्केटिंगच्या रणनिती इंटरनेटला ध्यानात ठेवून तयार करतात. येणारी वर्षे इंटरनेटची असतील आणि तेव्हा डिजिटल मार्केटींग तज्ज्ञांना चांगली मागणी असेल. नोकरी कुठे मिळेल? आज या नोकरीसाठी कोणत्याही मर्यादा नाहीत. इंटरनेटद्वारे व्यवसाय करणार्‍या लाखो कंपन्या आहेत आणि त्यापैकी बर्‍याच जणांना डिजिटल मार्केटींग मॅनेजरची आवश्यकता असते. पर्यटन, बँकिंग, रिटेल, मीडिया, हॉस्पिटॅलिटी इत्यादी कंपन्यांना डिजिटल मार्केटींग मॅनेजरची आवश्यकता असते. परदेशी कंपन्यांमध्येही तुम्हाला नोकरीची संधी आहे. पगार किती? डिजिटल मार्केटिंगचा कोर्स घेतल्यानंतर तुम्हाला सुरुवातीला ४ ते ५ लाखांचे पॅकेज मिळते, ते अनुभवाने वाढते. अनेक अनुभवी डिजिटल मार्केटींग मॅनेजर महिन्याला २ ते २.५ लाख रुपयेदेखील कमावतात.

from Career News in Marathi: Career News, मराठी Career बातम्या | Maharashtra Times https://ift.tt/3epUFxu
via IFTTT