कधी उघडणार शाळा? 'हा' आहे सरकारचा प्लान

Reopening of Schools: करोना व्हायरस आणि लॉकडाऊनमुळे देशातील सर्व , महाविद्यालये मार्च महिन्यापासून बंद आहेत. आता जून महिना उजाडल्याने विद्यार्थी, पालक, शिक्षकांना शाळेचे वेध लागले आहेत. कधी उघडणार शाळा? करोना संक्रमणाच्या पार्श्वभूमीवर त्या कशा काम करणार? असे अनेक प्रश्न विद्यार्थी-पालकांना सतावत आहेत. काही राज्यांनी जुलैपासून शाळा उघडण्याची तयारी देखील सुरू केली आहे. जुलैपासून बहुतांश शाळा उघडल्या जातील अशी चर्चादेखील आहे. पण आता केंद्र सरकारने या चर्चेला विराम दिला आहे. केंद्रीय मनुष्यबळ विकास मंत्री डॉ. रमेश पोखरियाल निशंक यांनी माहिती दिली की, शाळा उघडण्याची कोणतीही विशिष्ट तारीख सध्या ठरलेली नाही. करोनाची सद्यस्थिती पाहता, केंद्रीय मनुष्यबळ विभागाला ऑगस्ट महिन्यात यावर निर्णय घ्यावा लागेल. निशंक यांनी स्पष्ट केले आहे की ऑगस्ट २०२० नंतरच शाळा पुन्हा उघडण्याची प्रक्रिया सुरू होईल. यादरम्यान दिल्ली सरकारनेदेखील केंद्रीय मनुष्यबळ विभागाला पत्र लिहिले आहे. पत्रात दिल्लीचे शिक्षणमंत्री मनीष सिसोदिया यांनी लिहिलं आहे की दिल्लीचे मुख्यमंत्री अरविंद केजरीवाल यांनी काही दिवसांपूर्वीच सांगितले होते की आपल्याला करोना व्हायरससोबतच जगायला शिकले पाहिजे. त्यामुळे सुरक्षेच्या योग्य निकषांसही शाळा उघडणेय योग्य ठरेल. अनेक खासगी शाळांनाही योग्य त्या खबरदारीच्या उपाययोजनांसह शाळा उघडण्यास परवानगी द्यावी अशी मागणी काही खासगी शाळंनी केंद्रीय मनुष्यबळ विकास मंत्र्यांकडे केली आहे.

from Career News in Marathi: Career News, मराठी Career बातम्या | Maharashtra Times https://ift.tt/2UmLwND
via IFTTT