आशियातील टॉप १०० शिक्षणसंस्थांमध्ये भारताच्या ८ संस्था

टाइम्स उच्च शिक्षणाच्या आशिया विद्यापीठाच्या क्रमवारीत सर्वाधिक प्रतिनिधित्व करणाऱ्या देशांमध्ये भारत तिसऱ्या क्रमांकावर आहे. इंडियन इन्स्टिट्यूट ऑफ सायन्स (IISC) बंगळुरूने देशातील सर्वोच्च स्थान कायम राखले आहे. जागतिक स्तरावर ३६ व्या क्रमांकावर आहे. आठ आयआयटींनी देखील टॉप १०० यादीत स्थान पटकावले आहे. संस्थांच्या संख्येविषयी बोलायचे झाले तर २०१६ नंतरची ही भारताची सर्वोत्कृष्ट कामगिरी आहे. २०१६ मध्ये टॉप १०० मध्ये भारताच्या आठ संस्था होत्या. परंतु गुणवत्तेच्या बाबतीत, यावेळी चित्र वेगळे आहे. आयआयटीला रँकिंगमध्ये स्थान मिळालं असलं तरी त्यांची कामगिरी मागील वर्षीच्या तुलनेत घसरली आहे. आयआयटी खडगपूर आणि आयआयटी दिल्लीने २०१९ नंतर आपली कामगिरी सुधारली आहे. आयआयटी रोपारने प्रथमच या यादीत स्थान मिळवले आहे. या व्यतिरिक्त इतर आयआयटींचा स्कोअर कमी आहे. भारतीय संस्थाची क्रमवारी क्रमांक ३६ - आयआयएससी बंगळुरू क्रमांक ४७ - आयआयटी रोपार क्रमांक ५५ - आयआयटी इंदूर क्रमांक ५९ - आयआयटी खरगपूर क्रमांक ६७ - आयआयटी, दिल्ली क्रमांक ६९ - आयआयटी मुंबई क्रमांक ८३ - आयआयटी रूरकी क्रमांक ९२ - इन्स्टिट्यूट ऑफ केमिकल टेक्नॉलॉजी जगातील टॉप १० युनिव्हर्सिटी क्रमांक १: सिंहुआ युनिव्हर्सिटी, चीन क्रमांक २ : पेकिंग युनिव्हर्सिटी, चीन क्रमांक ३: सिंगापूर नॅशनल युनिव्हर्सिटी, सिंगापूर क्रमांक ४ : हाँगकाँग युनिव्हर्सिटी, हाँगकाँग क्रमांक ५ : हाँगकाँग सायन्स अँड टेक्नॉलॉजी विद्यापीठ क्रमांक ६ : नानयांग टेक्नॉलॉजिकल युनिव्हर्सिटी, सिंगापूर क्रमांक ७ : टोकियो युनिव्हर्सिटी, जपान क्रमांक ८ : चीन युनिव्हर्सिटी ऑफ हाँगकाँग क्रमांक ९ : सोल नॅशनल युनिव्हर्सिटी, दक्षिण कोरिया क्रमांक १० : विज्ञान आणि तंत्रज्ञान विद्यापीठ, चीन क्रमांक १० : संगक्युक्वान विद्यापीठ, दक्षिण कोरिया आयआयएससीची कामगिरी जागतिक क्रमवारीत २०१९ च्या तुलनेत घसरली असली तरी सलग पाचव्या वर्षीही भारतातील आपले अव्वल स्थान या संस्थेने कायम राखले आहे. आयआयएससीच्या जागतिक क्रमवारीतील स्थानात यंदा सात अंकांची घसरण झाली आहे. आयआयटी रोपारने अनपेक्षित कामगिरी केली असून पहिल्यांदाच रँकिंगमध्ये स्थान मिळवले आहे. विशेष म्हणजे आयआयटी रोपारने पहिल्या ५० मध्ये स्थान मिळवले आहे. गेल्या वर्षाच्या तुलनेत आयआयटी खडगपूरने १७ स्थानांची झेप घेतली आहे तर आयआयटी दिल्लीने २४ स्थानांची झेप घेतली आहे. चीनने जागतिक क्रमवारीत अव्वल स्थान मिळवले आहे तर ८१ विद्यापीठांमध्ये अव्वल स्थानही मिळविले आहे. सर्वात जास्त प्रतिनिधित्व करणारा देश जपान आहे. जपानच्या ११० संस्थांनी या यादीत स्थान पटकावले आहे.

from Career News in Marathi: Career News, मराठी Career बातम्या | Maharashtra Times https://ift.tt/2U806IC
via IFTTT