शाळा उघडण्याबाबत केंद्राच्या हालचाली; राज्यांकडून मागितल्या सूचना

नवी दिल्ली: लॉकडाउननंतर केंद्रीय मनुष्यबळ विकास मंत्रालयाने देशभरात शाळा सुरू करण्यासाठी राज्यांशी सल्लामसलत करण्याची प्रक्रिया सुरू केली आहे. कोविड - १९ साथीच्या आजारामुळे मार्च महिन्याच्या शेवटच्या आठवड्यापासून शाळा, महाविद्यालये, विद्यापीठे आणि शैक्षणिक संस्था बंद आहेत. केंद्रीय मनुष्यबळ विकास मंत्री रमेश पोखरियाल निशंक यांनी ट्विट केले आहे की, 'मी केंद्रीय मनुष्यबळ विकास मंत्रालयाच्या शालेय शिक्षण व साक्षरता विभागाच्या सचिव अनिता करवाल यांना सूचना केल्या आहेत. त्या सर्व राज्यांच्या शिक्षण सचिवांसोबत बैठक घेत आहेत ज्यामध्ये त्या विद्यार्थ्यांचे आरोग्य आणि सुरक्षितता, शाळांमधील स्वच्छता उपाय आणि राज्यातील ऑनलाइन / डिजिटल शिक्षणाशी संबंधित विषयांवर चर्चा करणार आहेत.' केंद्रीय मनुष्यबळ विकास मंत्रालयाच्या सूत्रांनी सांगितले की शालेय शिक्षण सचिव अनिता करवाल यांनी राज्यांच्या शिक्षण सचिवांशी चर्चा केली आहे आणि येत्या काही महिन्यांत शाळा सुरू करण्याबरोबरच, ऑनलाईन व डिजिटल शिक्षणाविषयी त्या बोलल्या आहेत. मनुष्यबळ विकास मंत्रालयाच्या सूत्रांनी असेही सांगितले की, 'त्यांनी शाळा उघडण्याच्या तयारीबाबत राज्य शिक्षण सचिवांशी चर्चा केली. या व्यतिरिक्त, विद्यार्थ्यांच्या सुरक्षिततेचे आणि आरोग्याचे आणि शाळांमध्ये स्वच्छतेचे उपाय म्हणून प्रशासन काय व्यवस्था करणार आहे, हेही जाणून घेतले.' जुलै महिन्यात सीबीएसई परीक्षा लॉकडाऊनमुळे शाळा परीक्षांसह सर्व परीक्षांच्या तारखांची घोषणा झाली आहे. सीबीएसई दहावी आणि बारावीच्या उर्वरित परीक्षा १ ते १५ जुलै दरम्यान घेण्यात येणार आहेत. जेईई मेन, जेईई अॅडव्हान्स्ड आणि नीट परीक्षा देखील जुलै आणि ऑगस्टमध्ये घेण्यात येतील. यूपीएससी नागरी सेवा परीक्षेच्या तारखा देखील जाहीर करण्यात आल्या आहेत. यूपीएससीचे सुधारित कॅलेंडरही जारी करण्यात आल्या आहेक. केंद्रीय मनुष्यबळ विकास मंत्रालयाच्या अधिकाऱ्यांनी सांगितले की, 'राज्य शिक्षण सचिवांनी शाळा सुरू करण्यासंदर्भात मंत्रालयाला अपडेट केले आहे. शाळा सुरू होण्याशी संबंधित सर्व निर्णय राज्यातील कोविड -१९ साथीच्या स्थितीवर अवलंबून असतील.'

from Career News in Marathi: Career News, मराठी Career बातम्या | Maharashtra Times https://ift.tt/2MGhald
via IFTTT