UPSC नागरी सेवा मुलाखतींचं वेळापत्रक जारी

केंद्रीय लोकसेवा आयोगाने नागरी सेवा परीक्षांच्या मुलाखतींचं वेळापत्रक जारी केलं आहे. शुक्रवारी १९ जून रोजी हे शेड्युल जारी झालं. वेळापत्रकानुसार, यूपीएससी नागरी सेवा परीक्षांच्या मुलाखती २० जुलै २०२० रोजी सकाळी ९ वाजता सुरू होणार आहे. आयोगाच्या अधिकृत संकेतस्थळावरून उमेदवारांना त्यांच्या रोल नंबरनुसार मुलाखतीच्या वेळेची माहिती मिळेल. यापूर्वी जूनच्या पहिल्या आठवड्यात सिव्हिल सर्व्हिस परीक्षांच्या परीक्षा आणि मुलाखतीचं संपूर्ण वर्षभराचं शेड्युल जारी करण्यात आलं होतं. त्यानुसार, यूपीएससी सिव्हिल सर्व्हिसेस आणि आयएपएस प्रिलिमिनरी परीक्षा ४ ऑक्टोबर २०२० रोजी होतील. नागरी सेवा मुख्य परीक्षा ८ जानेवारी २०२१ रोजी होईल आणि भारतीय वन सेवा मुख्य परीक्षा २०२० २८ फेब्रुवारी २०२० रोजी होणार आहे. नव्या वेळापत्रकानुसार, २०२० या वर्षीच्या यूपीएससी पूर्व परीक्षेचं आयोजन ४ ऑक्टोबर रोजी होणार आहे. आधी ही परीक्षा ३१ मे रोजी होणार होती, पण करोना संक्रमणआच्या पार्श्वभूमीवर ती स्थगित करण्यात आली होती. नागरी सेवा मुख्य परीक्षा ८ जानेवारी २०२१ रोजी होणार आहे.

from Career News in Marathi: Career News, मराठी Career बातम्या | Maharashtra Times https://ift.tt/3ei8wFE
via IFTTT