शिक्षकांसाठी 'वर्क फ्रॉम होम'च्या पुढील सूचना आल्या..जाणून घ्या

केंद्रीय मनुष्यबळ विकास मंत्रालयाने उच्च शिक्षण संस्थांना पाठवलेल्या परिपत्रकात म्हटले आहे की शिक्षक, संशोधक आणि शिक्षकेतर कर्मचाऱ्यांना ३१ जुलैपर्यंत घरून काम करण्याची अनुमती दिली जावी. केंद्रीय गृहमंत्रालयाच्या अनलॉक - २ च्या मार्गदर्शक तत्त्वांचा हवाला देत शिक्षण मंत्रालयाने विद्यापीठ अनुदान आयोग (UGC), ऑल इंडिया काउन्सिल फॉर टेक्निकल एज्युकेशन (AICTE), नॅशनल टेस्टिंग एजन्सी (NTA) आणि उच्च शिक्षण विभागांतर्गत काम करणाऱ्या सर्व संस्थांना निर्देश दिले आहेत की कॉलेज आणि शैक्षणिक संस्था ३१ जुलैपर्यंत बंद राहतील. परिपत्रकात असेही म्हटले आहे की ऑनलाइन एज्युकेशन सुरूच राहणार आहे आणि त्याला प्रोत्साहन द्यायला हवे. मंत्रालयाने सर्व राज्ये आणि केंद्र शासित प्रदेशाच्या मुख्य सचिवांना उच्च शिक्षण संस्थांसाठी समान मार्गदर्शक तत्त्वांवर विचार करण्यास सांगितले आहे. 'फॅकल्टी मेंबर्स / टीचर्स / रिसर्चर्सना अनेक अकॅडमिक अॅक्टिव्हिटीज करून या वेळेचा सदुपयोग करायला हवा.' परिपत्रकात आरोग्य सेतू अॅपबद्दलही माहिती दिली आहे. त्यात म्हटलं आहे की, 'आरोग्य सेतू अॅप संक्रमणाचा संभाव्या धोका ओळखण्यास सक्षम आहे. त्यामुळे विद्यार्थी, शिक्षक आणि कर्मचाऱ्यांनी या अॅप डाऊनलोड केला आहे, याची खातरजमा करावी.' दरम्यान, केंद्रीय मनुष्यबळ विकास मंत्री रमेश पोखरियाल यांनी २४ जून रोजी विद्यापीठ अनुदान आयोगाला एप्रिलमधील विद्यापीठ परीक्षा आणि अॅकॅडमिक कॅलेंडरवर आपली मार्गदर्शक तत्वे नव्याने जारी करण्यास सांगितले होते. ही नवी मार्गदर्शक तत्वे विद्यार्थी, शिक्षक आणि कर्मचाऱ्यांचे आरोग्य आणि सुरक्षितता ध्यानात ठेवून बनवण्यास सांगितले होते.

from Career News in Marathi: Career News, मराठी Career बातम्या | Maharashtra Times https://ift.tt/3inDQ8e
via IFTTT