अखिलेश यादव यांच्या मुलीला ९८ टक्के; केले अभिनंदन

उत्तर प्रदेशचे माजी मुख्यमंत्री अखिलेश यादव यांनी शुक्रवारी आपल्या ट्विटर हँडलवरून आपल्या मुलीला शुभेच्छा दिल्या. त्यांच्या मुलीने आदितीने आयसीएसई बोर्डाच्या बारावीच्या परीक्षेत ९८ टक्के गुण मिळवले. त्यांनी लिहिलंय, 'माझी मुलगी आदिती हिने ISC मध्ये ९८ टक्के गुण मिळवले त्याबद्दल तिचं अभिनंदन. ज्या सर्व विद्यार्थ्यांनी मेहनत घेतली त्यांचा आम्हाला अभिमान आहे. ते आपलं भविष्य उज्ज्वल बनवणार आहेत.' या पोस्टसोबत अखिलेश यादव यांनी त्यांची पत्नी आणि मुलीसोबतचे त्यांचे छायाचित्रही शेअर केले आहे. काउन्सिल फॉर इंडियन स्कूल सर्टिफिकेट एक्झामिनेशन (CISCE) ने आयसीएसई (दहावी) आणि आयएससी (बारावी) चे निकाल शुक्रवारी आपल्या अधिकृत संकेतस्थळावरून जारी केले. यावर्षी काऊन्सिलने टॉपर्सची यादी जारी केलेली नाही. अनेक परीक्षा कोविड - १९ महामारीमुळे झालेल्या नाहीत, म्हणून ही यादी जारी करण्यात आलेली नसल्याचं बोर्डाने कळवलं आहे. आयएसी बारावी परीक्षेत ९६.८ टक्के विद्यार्थी उत्तीर्ण झाले. हे प्रमाण मागील वर्षीच्या तुलनेत ०.३ टक्के अधिक आहे. आयसीएसई म्हणजे दहावीत ९९.३ टक्के विद्यार्थी उत्तीर्ण झाले. हे प्रमाण मागील वर्षीच्या तुलनेत ०.१ टक्क्याने अधिक आहे.

from Career News in Marathi: Career News, मराठी Career बातम्या | Maharashtra Times https://ift.tt/322qj0e
via IFTTT