सीबीएसई निकालांच्या तारखांची फेक नोटीस व्हायरल

CBSE 10th 12th result 2020: केंद्रीय माध्यमिक शिक्षण मंडळ अर्थात सीबीएसई द्वारे दहावी, बारावीच्या निकालासंदर्भातल्या घोषणेची एक बनावट परिपत्रक व्हायरल होत आहे. या परिपत्रकात बोर्डाद्वारे निकाल जाहीर करण्याची तारीख आणि वेळ अशी माहिती दिली आहे. इतकंच नव्हे तर परिपत्रकात सीबीएसईचे सचिव अनुराग त्रिपाठी यांची बनावट स्वाक्षरीदेखील आहे. काय लिहिलंय या परिपत्रकात? सीबीएसई द्वारे दहावी, बारावीच्या निकालासंदर्भातल्या घोषणेची माहिती देणाऱ्या या परिपत्रकात लिहिलंय की बारावीचा निकाल ११ जुलै सायंकाळी ४ वाजता जाहीर होईल. दहावीचा निकाल यानंतर दोन दिवसांनी १३ जुलै रोजी सायंकाळी ४ वाजता जाहीर होईल. सीबीएसईच्या जनसंपर्क अधिकारी रमा शर्मा यांनी हे परिपत्रक फेक असल्याचे स्पष्ट केले. त्यांनी सांगितले की बोर्डातर्फे निकालाची घोषणा करणारे कोणतेही प्रसिद्धी पत्रक जाहीर करण्यात आलेले नाही. निकालासंदर्भातील अशा कुठल्याही व्हायरल नोटीस, परिपत्रकावर किंवा मेसेजवर विश्वास ठेवू नका, असे आवाहनही त्यांनी केले आहे. विद्यार्थी, पालकांना कोणत्याही प्रकारची माहिती हवी असेल तर त्यांनी cbse.nic.in या सीबीएसईच्या अधिकृत संकेतस्थळाला भेट द्यावी, असे त्या म्हणाल्या. CBSE च्या संकेतस्थळावर जाण्यासाठी CBSE results च्या संकेतस्थळावर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/3feujOZ
via IFTTT