CA May 2020 परीक्षा रद्द; ICAI ने केले जाहीर

CA : इन्स्टिट्यूट ऑफ चार्टर्ड अकाउंटन्ट्स ऑफ इंडिया (ICAI) ने मे २०२० सीए परीक्षा रद्द करण्याचा निर्णय घेतला आहे. ही परीक्षा आता नोव्हेंबर २०२० मध्ये होणाऱ्या परीक्षांशी जोडण्याचा निर्णय आयसीएआयने घेतला आहे. मे २०२० सीए परीक्षा करोना व्हायरस संक्रमणामुळे पुढे ढकलण्यात आली होती. ही परीक्षा २९ जुलै ते १६ ऑगस्ट २०२० या कालावधीत होणार होती. ती आता थेट नोव्हेंबरमधल्या परीक्षेसोबत होईल. आयसीएआयने शुक्रवारी यासंदर्भातील निवेदन आपल्या अधिकृत संकेतस्थळावर जाहीर केले आहे. यानुसार, ज्या विद्यार्थ्यांनी मे २०२० परीक्षांसाठी अर्ज केला होता, त्यांना नोव्हेंबर २०२० परीक्षेसाठी फ्रेश अर्ज करताना परीक्षा केंद्र, ग्रुप्स बदलण्याचा पर्याय मिळणार आहे. नोव्हेंबर २०२० परीक्षा १ नोव्हेंबर २०२० पासून सुरू होणार आहे. अर्थात आयसीएआय त्यावेळच्या करोना संक्रमण स्थितीचा आढावा घेतल्यानंतर अंतिम निर्णय घेईल. आयसीएआयचे परीक्षा विभागाचे अतिरिक्त सचिव एस. के. गर्ग यांनी काढलेल्या या निवेदनात असे म्हटले आहे की, 'विद्यार्थी हित आणि विद्यार्थ्यांचे आरोग्य लक्षात घेऊन आयसीएआयने मे २०२० परीक्षा रद्द करण्याचा निर्णय घेतला आहे. या परीक्षा नोव्हेंबर २०२० परीक्षांमध्ये समाविष्ट करण्यात आल्या आहेत. विद्यार्थ्यांचे मे २०२० परीक्षेचे शुल्क नोव्हेंबर परीक्षेसाठी लागू करण्यात येईल. विद्यार्थ्यांना नोव्हेंबर २०२० साठी फ्रेश अर्ज करताना परीक्षा केंद्र तसेच ग्रुप्स बदलता येतील.' हेही वाचा: विद्यार्थ्यांनी इन्स्टिट्यूटच्या अधिकृत संकेतस्थळाला वेळोवेळी भेट देऊन अद्ययावत माहिती घेत राहावी. विद्यार्थ्यांना नोव्हेंबर २०२० परीक्षेसंदर्भात काही प्रश्न असतील तर ते may2020exam@icai.in या ईमेलवर पाठवू शकतील, असे आवाहनही आयसीएआयने केले आहे. हेही वाचा: सर्वोच्च न्यायलयात सुनावणी दरम्यान, इन्स्टिट्यूट ऑफ चार्टर्ड अकाऊन्टंट ऑफ इंडिया ( ) ने शुक्रवारी सर्वोच्च न्यायालयाकडे परीक्षांबाबत आपले म्हणणे मांडण्यासाठी सर्वोच्च न्यायालयाकडे वेळ मागितला होता. या प्रकरणाची पुढील सुनावणी आता १० जुलै २०२० रोजी होणार आहे. या परीक्षांचं जुलै आणि ऑगस्टमध्ये नियोजन करणं कठीण असल्याचं मत संस्थेनं व्यक्त केलं होतं. यापूर्वी संस्थेने विद्यार्थ्यांना ऑप्ट आउट तसेच परीक्षा केंद्र बदलण्याचे पर्यायही दिले होते.

from Career News in Marathi: Career News, मराठी Career बातम्या | Maharashtra Times https://ift.tt/2Bs5OiM
via IFTTT