JEE Main, NEET परीक्षा दोन महिने पुढे ढकलल्या

विद्यार्थी-पालकांच्या वाढत्या विरोधानंतर अखेर जुलैमध्ये होणाऱ्या आणि परीक्षा स्थगित करण्यात आल्या आहेत. या दोन्ही परीक्षा आता सप्टेंबर महिन्यात होणार आहेत. केंद्रीय मनुष्यबळ विकासमंत्री रमेश पोखरियाल यांनी ट्विट करत ही माहिती दिली. कोविड - १९ संक्रमित रुग्णांची संख्या देशभरात वाढत आहे. परीक्षांच्या आयोजनासंदर्भात नेमलेल्या समितीने याबाबतचा अहवाल दिल्यानंतर जुलैमधील परीक्षा स्थगित करून त्या सप्टेंबरमध्ये आयोजित करण्यात येणार आहेत. लाखो विद्यार्थी पालकांना यामुळे मोठा दिलासा मिळाला आहे. पोखरियाल यांनी ट्विटमध्ये म्हटले आहे की, 'विद्यार्थ्यांची सुरक्षितता लक्षात घेऊन आणि गुणवत्तापूर्ण शिक्षणासाठी आम्ही जेईई आणि नीट परीक्षा स्थगित करण्याचा निर्णय घेतला आहे. परीक्षा आता १ ते ६ सप्टेंबर या दरम्यान आयोजित केली जाणार आहे. परीक्षा २७ सप्टेंबर रोजी आणि परीक्षा १३ सप्टेंबर रोजी होणार आहे.' करोना विषाणूच्या संक्रमणाच्या वाढत्या संख्येमुळे या परीक्षा रद्द कराव्यात अशी मागणी विद्यार्थी पालकांनी लावून धरली होती. विद्यार्थ्यांच्या आरोग्याचा विचार करत या परीक्षांबाबतीत निर्णय घेण्यासाठी पोखरियाल यांनी एक समिती स्थापन केली होती. या समितीने शुक्रवार सायंकाळी आपला अहवाल दिला. त्यानंतर काही वेळातच पोखरियाल यांनी हा निर्णय जाहीर केला. हेही वाचा: जेईई मेन परीक्षा १८ ते २३ जुलै दरम्यान आयोजित होणार होती तर नीट परीक्षा २६ जुलै रोजी आयोजित केली जाणार होती. देशातील आयआयटींमधील अभियांत्रिकी पदवी अभ्यासक्रमांच्या प्रवेशांसाठी जेईई मेन ही परीक्षा होते. त्यात उत्तीर्ण होणारे विद्यार्थी जेईई अॅडव्हान्स्ड परीक्षेसाठी पात्र ठरतात. जेईई मेन १८ ते २३ जुलै २०२० या कालावधीत आयोजित करण्यात आली होती. देशभरातील वैद्यकीय अभ्यासक्रमांच्या प्रवेशांसाठी NEET ही परीक्षा घेतली जाते. २६ जुलै रोजी ही परीक्षा होणार होती. यामध्ये सुमारे १६ लाख विद्यार्थी परीक्षा देणार आहेत. या परीक्षेसंदर्भातील एक याचिकाही पॅरेंट असोसिएशनने सर्वोच्च न्यायालयात दाखल केली होती. जेईई मेन परीक्षेनंतर साधारण महिनाभरानंतर जेईई अॅडव्हान्स्ड परीक्षेचे आयोजन केले जाते. ही परीक्षा आधीच्या वेळापत्रकानुसार २३ ऑगस्ट रोजी होणार होती. या सर्व परीक्षा आता सप्टेंबर महिन्यात होणार आहेत.

from Career News in Marathi: Career News, मराठी Career बातम्या | Maharashtra Times https://ift.tt/38ALVCh
via IFTTT