JNU: ऑनलाइन परीक्षा देता न आलेल्यांना पुन्हा संधी

जवाहरलाल नेहरू विद्यापीठ () ने त्या विद्यार्थ्यांच्या परीक्षांचे आयोजन केले आहे, ज्यांना ऑनलाइन परीक्षा देता आली नव्हती. मंगळवारी ७ जुलै रोजी जेएनयूचे कुलगुरू एम. जगदीश कुमार यांनी ही माहिती दिली. यापूर्वी एक दिवस आधी विद्यापीठ अनुदान आयोगाच्या परीक्षांबाबत सुधारित गाईडलाइन्स आल्या होत्या. त्यानुसार, विद्यापीठांनी अंतिम वर्षाच्या परीक्षा रद्द करू नयेत अशा सूचना यूजीसीने केल्या होत्या. कोविड १९ च्या वाढत्या संक्रमण स्थितीच्या पार्श्वभूमीवर अंतिम वर्ष परीक्षा रद्द करण्याची मागणी अनेक विद्यापीठांनी केली होती. केंद्रीय मनु्ष्यबळ मंत्रालयाने सोमवारी घोषणा केली की विद्यापीठांच्या अंतिम वर्ष परीक्षा सप्टेंबर अखेरीस होणार. यापूर्वीच्या मार्गदर्शक तत्त्वांनुसार या परीक्षा जुलै मध्ये घेण्यास यूजीसीने सांगितले होते. यूजीसीच्या सुधारित मार्गदर्शक तत्त्वांनुसार जर एखाद्या विद्यार्थ्याला सप्टेंबर महिन्यातील अंतिम वर्ष परीक्षा देता आली नाही, तर त्याला पुन्हा संधी देण्यात यावी. विद्यापीठांनी अनुकूल स्थिती निर्माण होताच अशा विद्यार्थ्यांसाठी विशेष परीक्षांचे आयोजन करावे. जेएनयूचे कुलगुरू जगदीश कुमार यांनी सांगितले, 'सुधारित गाईडलाइन्सचे स्वागत आहे. त्यामुळे विद्यार्थ्यांना परीक्षेचे अनेक पर्याय मिळतील. ते ऑनलाइन किंवा ऑफलाइन किंवा दोन्हीचा संमिश्र पर्याय निवडू शकणार आहेत.' परीक्षांबाबत जगदीश कुमार म्हणाले, 'जेएनयूच्या अनेक महाविद्यालयांमध्ये आम्ही ऑनलाइन पद्धतीने सत्रअखेर परीक्षांचे आयोजन केले आहे. ज्या विद्यार्थ्यांकडे इंटरनेट उपलब्ध नव्हते आणि त्यामुळे त्यांना परीक्षा देता आली नाही, त्यांच्यासाठी आम्ही असे विद्यार्थी विद्यापीठात परत आल्यावर त्यांची परीक्षा घेण्याचा निर्णय घेतला आहे. मात्र हा निर्णय कोविड - १९ च्या ताज्या स्थितीवर अवलंबून असेल.'

from Career News in Marathi: Career News, मराठी Career बातम्या | Maharashtra Times https://ift.tt/2CbKm1k
via IFTTT