जेईई मेन २०२०: आता लवकरच जारी होईल परीक्षेचे अॅडमिट कार्ड

सर्वोच्च न्यायालयाने जेईई मेन आणि नीट परीक्षा लांबणीवर टाकण्याची मागणी करणारी याचिका फेटाळल्याने या परीक्षा होणार हे आता निश्चित आहे. भारतातील विविध शहरांतील परीक्षा केंद्रांवर १ सप्टेंबर ते ६ सप्टेंबर या कालावधीत जेईई मेन ( 2020 Exam) परीक्षा आयोजित करण्यात येणार आहे. अधिकाऱ्यांनी यापूर्वीच घोषणा केली आहे की एन्ट्रन्स परीक्षेचे आयोजन होण्यापूर्वी किमान १५ दिवस अगोदर चे अॅडमिट कार्ड जारी केले जातील. जेईई मेन २०२० असे करा अॅडमिट कार्ड डाऊनलोड - सर्वात आधी अधिकृत संकेतस्थळ nta.ac.in आणि jeemain.nta.nic.in वर जा - यानंतर लिंक वर जा - आपला अॅप्लिकेशन नंबर आणि पासवर्ड टाका - यानंतर सबमीट बटण वर क्लिक करा - अॅडमिट कार्ड तुमच्या स्क्रीनवर येईल - तुम्ही अॅडमिट कार्ड डाऊनलोड करून प्रिंटआऊट घेऊ शकाल. दरम्यान, मेन आणि नीट या अनुक्रमे अभियांत्रिकी आणि वैद्यकीय अभ्यासक्रमांच्या परीक्षा कोविड -१९ महामारी काळात लांबणीवर टाकाव्यात, अशी मागणी करणाची याचिका सर्वोच्च न्यायालयाने फेटाळून लावली. कोविड - १९ संसर्ग काळातही जीवन जगत राहायला हवे. परीक्षा कशा थांबवता येतील, अशी टिप्पणी न्या. अरुण मिश्रा यांनी केली. दरम्यान, परीक्षा योग्य खबरदारीसह आयोजित करण्यात येतील अशी हमी नॅशनल टेस्टिंग एजन्सीच्या वतीने महाधिवक्त तुषार मेहता यांनी न्यायालयाला दिली. एनटीएच्या ३ जुलैच्या परिपत्रकानुसार जेईई मेन परीक्षा १ ते ६ सप्टेंबर रोजी तर नीट यूजी २०२० परीक्षा १३ सप्टेंबर २०२० रोजी होणार आहे. न्या. अरुण मिश्रा, न्या. बी.आर.गवई आणि न्या. कृष्ण मुरारी यांच्या खंडपीठाने ही सुनावणी घेतली. JEE Main 2020 Exam: परीक्षेला जाताना पुढील सूचनांचे पालन करा. - करोना विषाणूमुळे परीक्षा केंद्रांवर तपासणी आणि सॅनिटायझेशनमध्ये अधिक वेळ लागू शकतो. त्यामुळे विद्यार्थ्यांनी परीक्षा सुरू होण्याआधी किमान १ तास परीक्षा केंद्रावर पोहोचावे. - एनटीएचे संचालक विनीत जोशी यांनी दिलेल्या माहितीनुसार, विद्यार्थ्यांना परीक्षा केंद्रावर येण्यासाठी टाइम स्लॉट दिला जाईल. विद्यार्थ्यांनी या टाइम स्लॉटचे काटेकोर पालन करत दिलेल्या वेळेत परीक्षा केंद्रांवर पोहोचायचे आहे. - परीक्षा केंद्रावर प्रवेशासाठी उमेदवारांना ओळखपत्रासह आपलं जेईई मेन २०२० अॅडमिट कार्ड दाखवायचं आहे. परीक्षा केंद्राच्या आत अन्य कोणतंही सामान नेण्याची अनुमती नाही. - विद्यार्थ्यांनी परीक्षा केंद्रावर प्रवेश केल्यानंतर सोशल डिस्टन्सिंगचे पालन करायचे आहे.

from Career News in Marathi: Career News, मराठी Career बातम्या | Maharashtra Times https://ift.tt/31YsL6f
via IFTTT