१.४० लाख पदांच्या भरतीसाठी रेल्वेने केली परीक्षेची तारीख जाहीर

RRB NTPC 2019-20 stage 1 CBT : रेल्वे भरती बोर्डाने (RRB) सुमारे दीड वर्षांनंतर अखेर एक लाखांहून अधिक पदांवर एनटीपीसी भरतीसाठी परीक्षेची तारीख घोषित केली आहे. ही भरती एकूण १ लाख ४० हजार ६४० पदांवर होणार आहे. ही पदे तीन विविध श्रेणींतील आहेत. यासाठी मार्च २०१९ मध्येच अर्ज घेतले गेले होते. १ लाख ४० हजार पदांसाठी सुमारे २ कोटी ४० लाख अर्ज आले होते. एप्रिल २०१९ पासून या कोट्यवधी उमेदवारांना या भरती परीक्षेच्या तारखेची प्रतीक्षा होती. आता रेल्वेने घोषणा केली आहे की आरआरबी नॉन टेक्निकल पॉप्युलर कॅटेगरी (RRB NTPC) स्टेज - १ ची परीक्षा १५ डिसेंबर २०२० पासून सुरू होईल. ही परीक्षा संगणकीकृत असणार आहे. रेल्वे मंत्री पियुष गोयल यांनी यासंबंधी माहिती दिली आहे. ट्विटमध्ये लिहिलं आहे की 'रेल्वेने विविध पदांसाठी सर्व ३ श्रेणींसाठी भरती प्रक्रियेतील अर्जांची छाननी पूर्ण केली आहे. परीक्षांचे आयोजन १५ डिसेंबरपासून होईल.' आरआरबी एनटीपीसीअंतर्गत लेव्हल १, आयसोलेटेड आणि मिनिस्ट्रीयल कॅटेगरीत ही भरती प्रक्रिया होणार आहे. याअंतर्गत लाखो उमेदवारांना नोकरी मिळणार आहे. या परीक्षेसंबंधी विस्तृत माहिती लवकरच जारी करणार आहे.

from Career News in Marathi: Career News, मराठी Career बातम्या | Maharashtra Times https://ift.tt/2DyZuqu
via IFTTT