हॉटेल मॅनेजमेंट जेईईचा निकाल जाहीर

NCHMCT : नॅशनल टेस्टिंग एजन्सीने नॅशनल काउन्सिल फॉर हॉटेल मॅनेजमेंटच्या जॉइंट एन्ट्रन्स एक्झाम अर्थात NCHMCT JEE चा निकाल जाहीर केला आहे. हॉटेल मॅनेजमेंट सीईटीच्या अधिकृत संकेतस्थळावर nchmjee.nta.nic.in येथे हा निकाल जाहीर करण्यात आला आहे. नॅशनल काउन्सिल फॉर हॉटेल मॅनेजमेंटच अभ्यासक्रमांच्या प्रवेशांसाठी जॉइंट एन्ट्रन्स एक्झाम २९ ऑगस्ट २०२० रोजी घेण्यात आली होती. ही परीक्षा संगणक आधारित होती. देशभरातील हॉटेल मॅनेजमेंट संस्थांमधील हॉस्पिटॅलिटी अँड हॉटेल अॅडमिनिस्ट्रेशन (B.Sc. HHA) च्या बीएससी अभ्यासक्रमाच्या प्रवेशांसाठी ही राष्ट्रीय परीक्षा घेण्यात येते. उमेदवार त्यांचा निकाल वर दिलेल्या एनटीएच्या संकेतस्थळावर पाहू शकतात किंवा पुढे दिलेल्या लिंकवर क्लिक करून देखील पाहू शकतात. निकाल पाहण्यासाठी विद्यार्थ्यांना त्यांची जन्मतारीख आणि NCHM JEE 2020 अॅप्लिकेशन नंबरच्या सहाय्याने लॉग इन करावे लागेल. NCHM JEE 2020 चा निकाल पाहण्याच्या थेट लिंकवर जाण्यासाठी NCHM JEE निकाल अंतिम उत्तरतालिकेवरून तयार करण्यात आला आहे. विद्यार्थ्यांना निकाल पाठवण्यात येणार नाही. त्यामुळे त्यांनी तो डाऊनलोड करून ठेवावा, असे आवाहन एनटीएने केले आहे. शिवाय रिव्हॅल्युएशन किंवा रिचेकिंगची कोणतीही प्रक्रिया होणार नाही. त्यामुळे गुणांसंदर्भातील कोणत्याही प्रकारचा पत्रव्यवहार केला जाऊ नये, असे आवाहनही करण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/3h8v9g8
via IFTTT