जेईई मेन २०२० परीक्षेची उत्तरतालिका जाहीर

नॅशनल टेस्टिंग एजन्सीने 2020 परीक्षेची जाहीर केली आहे. जेईई मेनची अधिकृत वेबसाइट वर विद्यार्थी ही उत्तरतालिका पाहू शकतात आणि डाऊनलोड देखील करू शकतात. आपला अॅप्लिकेशन नंबर, पासवर्ड, जन्मतारीख आदी माहिती देऊन ही उत्तरतालिका पाहता येईल. या उत्तरतालिकेच्या सहाय्याने विद्यार्थ्यांना जेईई मेन मध्ये किती गुण मिळाले आहेत, हे निकालाआधीच पडताळून पाहता येईल. जेईई मेन परीक्षा १ ते ६ सप्टेंबर या कालावधीत घेण्यात आली होती. दरम्यान, एनटीएने यापूर्वी जाहीर केल्यानुसार जेईई मेन परीक्षेचा निकाल १० ते ११ सप्टेंबर २०२० या कालावधीत जाहीर होणार आहे. जेईई मेन २०२० ची उत्तरतालिका कशी डाऊनलोड कराल? पुढील पद्धतीने टप्प्याटप्प्याने जेईई मेन २०२० ची उत्तरतालिका विद्यार्थ्यांना डाऊनलोड करता येईल - १) जेईई मेनचे अधिकृत संकेतस्थळ jeemain.nta.nic.in वर जा. २) ‘ 2020 September’ या पर्यायावर क्लिक करा. ३) तुमचे लॉगइन तपशील भरा. ४) सबमीट बटणावर क्लिक करा. ५) आता तुमच्या स्क्रीनवर जेईई मेन २०२० ची उत्तरतालिका दिसेल. ६) जेईई मेन २०२० ची उत्तरतालिका डाऊनलोड करा. नॅशनल टेस्टिंग एजन्सीने देशभरातील आयआयटी, एनआयटी आणि सीएफटीआयमधील अभियांत्रिकी पदवी अभ्यासक्रमांसाठी ही प्रवेश परीक्षा होते. जेईई मेन पेपर १ आणि पेपर २ च्या निकालावर जेईई अॅडव्हान्स्ड परीक्षेसाठीची पात्रता अवलंबून असेल. जेईई मेन पेपर १ आणि २ चे टॉप २.४५ लाख विद्यार्थी जेईई अॅडव्हान्स्ड परीक्षेसाठी पात्र ठरतात, जेईई अॅडव्हान्स्ड परीक्षेतील स्कोअरनुसार देशातील २३ आयआयटींमधील इंजिनीअरिंग पदवी अभ्यासक्रमांना प्रवेश मिळतो. जेईई अॅडव्हान्स्ड परीक्षा २७ सप्टेंबर रोजी होणार आहे.

from Career News in Marathi: Career News, मराठी Career बातम्या | Maharashtra Times https://ift.tt/2R5LXdb
via IFTTT