JAM 2021 प्रवेश परीक्षेसाठी १० सप्टेंबरपासून नोंदणी

2021: (IISc) बंगळुरूच्या एमएससी (दोन वर्षे), एमएससी-पीएचडी जॉइंट आणि एमएससी-पीएचडी ड्युअल डिग्री तसेच आयआयटींमधील अन्य पदव्युत्तर पदवी अभ्यासक्रमांसाठी ऑनलाइन नोंदणी प्रक्रीया सुरू होत आहे. या अभ्यासक्रमांच्या प्रवेशांसाठी होणाऱ्या जॉइंट अॅडमिशन टेस्ट अर्थात (JAM) साठी १० सप्टेंबर पासून रजिस्ट्रेशन विंडो सुरू होत आहे. विद्यार्थ्यांना १५ ऑक्टोबर २०२० पर्यंत अर्ज करता येणार आहेत. JAM ही प्रवेश परीक्षा आयआयटी आणि इंडियन इन्स्टिट्यूट ऑफ सायन्स संयुक्तपणे आयोजित करतात. इंडियन इन्स्टिट्यूट ऑफ सायन्सच्या देशभरातील ८ झोन्स आणि ७ आयआयटींसाठी ही परीक्षा होते. २०२१ मधील JAM च्या आयोजनाची जबाबदारी इंडियन इन्स्टिट्यूट ऑफ सायन्स बंगळुरूकडे आहे. IISc बंगळुरूमधील फिजीकल सायन्स, केमिकल सायन्स, मॅथेमॅटिकल सायन्स आणि बायोलॉजिकल सायन्समधील इंटिग्रेटेड पीएचडी अभ्यासक्रमांच्या प्रवेशांसाठी JAM चा स्कोअर ग्राह्य धरून उमेदवरांना शॉर्टलिस्ट करण्यात येईल. ही संगणक आधारित परीक्षा असून १४ फेब्रुवारी २०२१ रोजी दोन सत्रात या परीक्षेचे आयोजन होणार आहे. निकाल २० मार्च २०२१ रोजी जाहीर केला जाणार आहे. परीक्षेत तीन प्रकारचे प्रश्न असतील - १) मल्टीपल चॉइस क्वेश्चन्स (MCQ), २) मल्टीपल सिलेक्ट क्वेश्चन्स (MSQ), ३) न्यूमरिकल आन्सर टाइप (NAT). JAM नंतर होणारी प्रवेश प्रक्रिया, अर्जांच्या तारखा, परीक्षा आणि निकालाची तारीख आदी परीक्षेची अधिक माहिती jam.iisc.ac.in वर उपलब्ध आहे.

from Career News in Marathi: Career News, मराठी Career बातम्या | Maharashtra Times https://ift.tt/3bJxYDp
via IFTTT