जेईई मेन २०२०: उत्तरतालिका कधी? जाणून घ्या

नॅशनल टेस्टिंग एजन्सीने देशभरातील आयआयटी, एनआयटी आणि सीएफटीआयमधील अभियांत्रिकी पदवी अभ्यासक्रमासाठी होणारी प्रवेश परीक्षा जेईई मेन १ ते ६ सप्टेंबर २०२० या कालावधीत पार पडली. कोविड-१९ महामारीच्या पार्श्वभूमीवर सर्व खबरदारीचे उपाय यावेळी योजण्यात आले होते. करोना महामारी काळात देशभरात मोठ्या प्रमाणावर आयोजित करण्यात आलेली जेईई मेन ही पहिली परीक्षा आहे. IIT, NIT, CFTI मधील अभियांत्रिकी पदवी अभ्यासक्रमांसाठी झालेल्या या परीक्षेला एकूण ९ लाखांहून अधिक विद्यार्थ्यांनी नोंदणी केली होती. देशातील महत्त्वाच्या इंजिनीअरिंग संस्थांमधील बीई आणि बीटेक अभ्यासक्रमांच्या प्रवेशांसाठी एनटीएने ही जेईई मेन प्रवेश परीक्षा आयोजित केली होती. जेईई मेन २०२० ची उत्तरतालिका आणि निकालाची तारीख एनटीएने यापूर्वी जाहीर केल्यानुसार जेईई मेन परीक्षेचा निकाल १० ते ११ सप्टेंबर २०२० रोजी जाहीर होणार आहे. एनटीए निकालासोबतच उत्तरतालिका देखील जाहीर करणार आहे. जेईई मेन २०२० मेरिट लिस्ट आणि वैयक्तिक स्कोर कार्ड्सदेखील निकालादिवशी जाहीर केले जातील. जेईई मेन २०२० उत्तरतालिका बुधवारपर्यंत जेईई मेन परीक्षेचे अधिकृत संकेतस्थळ jeemain.ac.in वर उपलब्ध होईल. जेईई अॅडव्हान्स्ड २०२० जेईई मेन पेपर १ आणि पेपर २ च्या निकालावर जेईई अॅडव्हान्स्ड परीक्षेसाठीची पात्रता अवलंबून असेल. जेईई मेन पेपर १ आणि २ चे टॉप २.४५ लाख विद्यार्थी जेईई अॅडव्हान्स्ड परीक्षेसाठी पात्र ठरतात, जेईई अॅडव्हान्स्ड परीक्षेतील स्कोअरनुसार देशातील २३ आयआयटींमधील इंजिनीअरिंग पदवी अभ्यासक्रमांना प्रवेश मिळतो. जेईई अॅडव्हान्स्ड परीक्षा २७ सप्टेंबर रोजी होणार आहे. परीक्षेची ऑनलाइन नोंदणी ११ सप्टेंबरपासून सुरू होणार आहे. जे विद्यार्थी जेईई मेन परीक्षा उत्तीर्ण होऊन जेईई अॅडव्हान्स्डसाठी पात्र ठरतील त्यांनी jeeadv.ac.in वर जाऊन नोंदणी करावी.

from Career News in Marathi: Career News, मराठी Career बातम्या | Maharashtra Times https://ift.tt/3hdJTdM
via IFTTT