नववी ते बारावीच्या वर्गांसाठी केंद्रीय गृहमंत्रालयाचे SOP

केंद्रीय गृहमंत्रालयाने उच्च शिक्षण संस्था आणि कौशल्य प्रशिक्षण केंद्रांसाठी स्टँडर्ड ऑपरेटिंग प्रोसिजर जारी केले आहे. अनलॉक ४ अंतर्गत या संस्थांना २१ सप्टेंबरपासून सुरू होण्यास परवानगी देण्यात आली आहे. इयत्ता नववी ते बारावी पर्यंतच्या विद्यार्थ्यांना ऐच्छिक स्वरुपात शाळेत येण्याची मुभा देण्यात आली आहे. कोविड - १९ काळात विशेष खबरदारीसही या शैक्षणिक संस्था सुरू करण्यास परवानगी देण्यात आली आहे. नियंत्रित क्लासरुम अॅक्टिव्हिटिज, वेगवेगळे टाइम स्लॉट्स, दोन विद्यार्थ्यांमध्ये सहा फुटांचं अंतर राखून आसन व्यवस्था करणं, वर्गखोल्या डिसइन्फेक्ट करणं आदी सुरक्षिततेचे उपाय योजण्याबाबतजी मार्गदर्शक तत्वे केंद्रीय गृहमंत्रालयाने जारी केलेली आहेत. ती पुढीलप्रमाणे - कोणकोणते खबरदारीचे उपाय? कोविड-१९ संसर्गाचा धोका कमी करण्याच्या दृष्टीने हे खबरदारीचे उपाय सांगण्यात आले आहेत. हे पुढीलप्रमाणे - - सोशल डिस्टन्सिंगचा नियम पाळण्यासाठी दोन विद्यार्थ्यांमध्ये किमान ६ फुटांचं अंतर. - मास्क वापरणे बंधनकारक - सतत साबणाने ५० ते ६० सेकंदांपर्यंत हात धुणे, शक्य तेव्हा अल्कोहोलयुक्त सॅनिटायझर्सचा वापर करणं. - खोकताना, शिंकताना तोंड, नाक रुमाल, टिश्यू पेपर, हाताचं कोपर यांनी झाकणं बंधनकारक आहे. खोकताना, शिंकताना वापरलेल्या टिश्यू पेपरची तत्काळ व्हिल्हेवाट लावणं गरजेचं आहे. - स्वत:च्या तब्येतीची काळजी घेणे आणि कोणताही आजार असल्यास तो संबंधित अधिकाऱ्यांना, शिक्षकांना कळवणे. - थुंकण्यास सक्त मनाई. - आरोग्य सेतू अॅप डाऊनलोड करून त्याचा वापर करणे. हेही वाचा: शाळा उघडण्याआधी कोणती खबरदारी? - कंटेन्मेंट झोनच्या बाहेरील शाळांनाच उघडण्यास परवानगी. कंटेन्मेंट झोनमध्ये राहणाऱ्या विद्यार्थी, शिक्षक, शिक्षकेतर कर्मचाऱ्यांना शाळेत उपस्थित राहण्यास मनाई. विद्यार्थी, शिक्षक, कर्मचाऱ्यांना कंटेन्मेंट झोन्स असलेल्या भागांना भेट न देण्याच्या सूचना. - शाळांच्या इमारती उघडण्यापूर्वी त्या पूर्णपणे सॅनिटाइज कराव्यात. - ज्या शाळांच्या इमारती क्वारंटाइन सेंटर होत्या, तेथे सॅनिटायझेशन अधिक तीव्रपणे करणे. ५० टक्के शिक्षक, शिक्षकेतर कर्मचाऱ्यांची उपस्थिती असावी. - नववी ते बारावीच्या विद्यार्थ्यांना ऐच्छिक स्वरुपात शाळेत येण्याचा पर्याय खुला. मात्र त्यासाठी पालकांची परवानगी आवश्यक. अन्यथा ऑनलाइन शिक्षणाचा पर्याय विद्यार्थ्यांसी खुला आहेच. - बायोमॅट्रिक हजेरीऐवजी अन्य हजेरीच्या स्पर्शविरिहित पद्धतींचा अवलंब करावा. - सोशल डिस्टन्सिंगचे नियम पाळण्यासाठी शाळेच्या आवारात दर सहा फूटांवर मार्किंग करावे.

from Career News in Marathi: Career News, मराठी Career बातम्या | Maharashtra Times https://ift.tt/3m2RTC7
via IFTTT