UPSC नागरी सेवा परीक्षेचा पॅटर्न बदलणार का? सरकारने दिलं उत्तर

civil services exam pattern: केंद्रीय लोकसेवा आयोगाच्या परीक्षांच्या पॅटर्नमध्ये बदल होणार आहे का? केंद्र सरकारने गुरुवारी १७ सप्टेंबर २०२० रोजी यासंबंधी राज्यसभेत माहिती दिली आहे. केंद्रीय लोकसेवा आयोगाच्या नागरी सेवा पूर्व परीक्षेतून सिव्हिल सर्व्हिस अॅप्टिट्यूट टेस्ट () बाद होणार का असा प्रश्न राज्यसभेत उपस्थित करण्यात आला होता. सीसॅट रद्द करून मुलाखतीऐवजी सायकॉलॉजिकल टेस्ट घेण्यासंबंधीच्या मुद्दा उपस्थित करण्यात आला होता. राज्यसभेच्या पावसाळी अधिवेशनात गुरुवारी हा प्रश्न उपस्थित करण्यात आला. 'सरकार यूपीएससी सिव्हिल सर्व्हिस अॅप्टिट्यूड टेस्ट' (CSAT) बंद करण्याची कोणती योजना आखत आहे का? यूपीएससी सिव्हिल सर्व्हिस परीक्षेतून मुलाखतीऐवजी सायकॉलॉजिकल टेस्ट घेण्याची योजना आहे का? असे दोन प्रश्न उपस्थित करण्यात आले होते. केंद्रीय कामगार मंत्री जितेंद्र सिंह यांनी या दोन्ही प्रश्नांना लेखी उत्तर दिले. ते म्हणाले, 'यूपीएससी सिव्हिल सर्व्हिस परीक्षेतून सीसॅट वगळण्याचची सरकारची कोणतीही योजना नाही. शिवाय मुलाखतीऐवजी सायकॉलॉजिकल टेस्ट घेण्याची देखील कोणताही प्रस्ताव नाही.' म्हणजेच तूर्त तरी केंद्रीय लोकसेवा आयोगाच्या नागरी सेवा पूर्व परीक्षेचा पॅटर्न जसाच्या तसा राहणार आहे. सीसॅट काय आहे? यूपीएससी सिव्हिल सर्व्हिस परीक्षा तीन टप्प्यांत आयोजित केली जाते. पूर्व, मुख्य आणि मुलाखत अशा तीन टप्प्यांच्या आधारे उमेदवारांची निवड होते. यात जनरल अॅप्टिट्यूड वर आधारित प्रश्न विचारले जातात. पूर्व परीक्षेत भाग एक व भाग दोन असतात. यातील पेपर २ म्हणजे कल चाचणी म्हणजे सीसॅट.

from Career News in Marathi: Career News, मराठी Career बातम्या | Maharashtra Times https://ift.tt/3mubECL
via IFTTT