सीईटीच्या विद्यार्थ्यांना मोठा दिलासा; मिळणार आणखी एक संधी

राज्य सामायिक प्रवेश परीक्षा कक्षाने मोठा निर्णय घेतला आहे. ज्या विद्यार्थ्यांना (नोंदणी केलेल्या) काही अपरिहार्य कारणांमुळे MHT-CET परीक्षा देता आली नाही, त्यांच्यासाठी आणखी एक संधी देण्याची घोषणा राज्य सरकारने केली आहे. यासाठी विद्यार्थ्यांना सीईटी सेलच्या अधिकृत संकेतस्थळावर जाऊन अतिरिक्त सत्रासाठी अर्ज करायचा आहे. ही नोंदणी २२ आणि २३ ऑक्टोबर २०२० या दोन दिवशी सुरू राहणार आहे. विद्यार्थ्यांना नोंदणी करतानाच अतिरिक्त सत्रासाठी १०० रुपये शुल्क देखील भरायचे आहे. हे शुल्क CAP प्रोसेसच्या वेळी अॅडजस्ट केले जाणार असल्याचे सीईटी कक्षाने जारी केलेल्या परिपत्रकात म्हटले आहे. दरम्यान, या परीक्षेसाठी करोना,पाऊस व खंडित वीजपुरवठा अशा कारणांमुळे या सीईटी परीक्षेसाठी सर्व साधारण ४०% विद्यार्थी उपस्थित नव्हते. ही गोष्ट सामाईक प्रवेश परीक्षा कक्ष, प्रवेश नियामक प्राधिकरण व महाराष्ट्र शासन यांच्या लक्षात आणून देण्याचे काम असोसिएशन ऑफ दि मॅनेजमेंट ऑफ अन ऐडेड इन्स्टिट्यूट इन रूरल एरिया चे अध्यक्ष प्रा.रामदास झोळ यांनी केले व यासंदर्भात महाराष्ट्र शासनाचे उच्च व तंत्र शिक्षण मंत्री उदय सामंत व संबंधित विभागांना तत्काळ पत्रव्यवहार केला होता. राज्य शासनाने जारी केलेल्या परिपत्रकात असे नमूद करण्यात आले आहे की, '१ ते ९ ऑक्टोबर आणि १२ ते २० ऑक्टोबर २०२० या कालावधीत MHT-CET 2020 परीक्षेचे यशस्वीपणे आयोजन करण्यात आले होते. मात्र या कालावधीत काही विद्यार्थ्यांना करोना, पावसामुळे वाहतूक व्यवस्थेवर झालेला परिणाम, खंडित वीजपुरवठा आदि कारणांमुळे परीक्षा केंद्रांवर वेळेत पोहोचता आले नाही आणि त्यांची परीक्षा हुकली. अशा विद्यार्थ्यांना आणखी एक संधी देण्याचा निर्णय राज्य सरकारने घेतला आहे. PCB आणि PCM या दोन्ही ग्रुपच्या ज्या विद्यार्थ्यांनी परीक्षेसाठी नोंदणी केली होती आणि ज्यांचे हॉलतिकीट आले होते, मात्र परीक्षा देता आली नाही, अशा विद्यार्थ्यांनी पुन्हा अर्ज करून १०० रुपये शुल्क भरायचे आहे. त्यांच्यासाठी अतिरक्त सत्राचे आयोजन करण्यात येणार आहे. त्यांचे अतिरिक्त १०० रुपये शुल्क कॅप राउंडमध्ये अॅडजस्ट केले जाईल.' MHT-CET 2020 च्या अतिरिक्त सत्रासाठी नोंदणी करण्याच्या थेट लिंकवर जाण्यासाठी MHT-CET 2020 अतिरिक्त सत्रासंदर्भातील नोटिफिकेशन वाचण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2He1Kpd
via IFTTT