कर्णबधीर विद्यार्थ्यांसाठी NCERT ची पुस्तके आता सांकेतिक भाषेत

राष्ट्रीय शैक्षणिक संशोधन आणि प्रशिक्षण परिषद (NCERT) ने बधीर मुलांसाठी सांकेतिक भाषेतील पाठ्यपुस्तके आणि अन्य शैक्षणिक साहित्य उपलब्ध करण्याचा निर्णय घेतला आहे. मंगळवारी भारतीय सांकेतिक भाषा आणि प्रशिक्षण केंद्राशी (ISLRTC) एनसीईआरटीने याबाबतचा एक महत्त्वपूर्ण सामंजस्य करार केला आहे. केंद्रीय सामाजिक न्याय मंत्रई थावरचंद गेहलोत म्हणाले, 'भारतीय सांकेतिक भाषेत एनसीईआरटीची पाठ्यपुस्तके उपलब्ध झाल्यास कर्णबधीर मुलांनादेखील शिक्षणाची कवाडे अधिक व्यापकपणे खुली होतील आणि शिक्षक, विद्यार्थी आणि कर्णबधिर समुदायासाठी एक अत्यंत उपयोगी साहित्य संपदा तयार होईल.' ISLRTC ही एक राष्ट्रीय पातळीवरील स्वायत्त संस्था आहे. भारतीय सांकेतिक भाषा, शिक्षण आणि संशोधनाद्वारे मनुष्यबळ विकास करण्यासाच्या उद्देशाने ही संस्था कार्य करते. मंत्रालयातील अधिकाऱ्यांनी दिलेल्या माहितीनुसार, मुलांमधील ज्ञानात्मक कौशल्ये बाल्यावस्थेत विकसित होतात आणि मुलांना त्यांच्या शैक्षणिक गरजेनुसार शिक्षण साहित्य उपलब्ध करून देणे आवश्यक आहे. सचिव शकुंतला गमलीन यांनी सांगितले, 'कर्णबधीर मुले केवळ तोंडी किंवा लेखी माध्यमातू शकतात. पण या करारानंतर ते आता भारतीय सांकेतिक भाषा या एकाच भाषेतून शिकू शकतील. यामुळे त्यांची भाषा तर चांगली होईलच, शिवाय त्यांना विषयाचा गाभा समजण्याची क्षमता वाढेल.' एनसीईआरटीने केलेल्या करारावर केंद्रीय शिक्षणमंत्री रमेश पोखरियाल आणि सामाजिक न्यायमंत्री गेहलोत यांच्या व्हिडिओ कॉन्फरन्सिंगद्वारे उपस्थितीत स्वाक्षऱ्या झाल्या.

from Career News in Marathi: Career News, मराठी Career बातम्या | Maharashtra Times https://ift.tt/34s9L1c
via IFTTT