NEET काऊन्सेलिंग २०२० प्रक्रिया कधी सुरू होणार? जाणून घ्या प्रवेशासंबंधी माहिती

2020: नेशनल टेस्टिंग एजन्सी (NTA) 2020 परीक्षेचे आयोजन केले होते. नीट २०२० निकालानंतर आता एमबीबीएस आणि बीडीएस अभ्यासक्रमांच्या प्रवेशांसाठी एमसीसी Medical Counseling Committee (MCC) म्हणजेच वैद्यकीय समुपदेशन समितीच्या वतीने आरोग्य विज्ञान महासंचालनालय (DGHS) २०२० चे वेळापत्रक जारी करेल. नीट समुपदेशन फेऱ्यांना ऑक्टोबर अखेर सुरुवात होण्याची शक्यता आहे. नीट काऊन्सेलिंग 2020 साठी ऑनलाइन नोंदणी होणार आहे. अखिल भारतीय नीट काउन्सेलिंग २०२० दरम्यान नीट साठी सुमारे ३१७ एमबीबएस आणि २२ डेंटल ESIC जागा ऑल इंडिया कोट्यांतर्गत उपलब्ध होणार आहेत. NEET काउन्सिलिंग प्रक्रियेत एकूण २३५ मेडिकल कॉलेज सहभागी होणार आहेत. NEET 2020 काउन्सेलिंगसाठी एकूण तीन फेऱ्या आयोजित केल्या जातील, त्यात मॉप-अप राऊंडही असेल. हा राउंड केवळ डीम्ड विद्यापीठे आणि केंद्रीय विद्यापीठांसाठी तसेच ESIC कॉलेजांसाठी आयोजित केला जातो. : नीट काउन्सेलिंगची प्रक्रिया पुढीलप्रमाणे होते - 1) रजिस्ट्रेशन - काउन्सेलिंगसाठी सर्वात आधी mcc.nic.in वर रजिस्टर करा. उमेदवारांना आपला रोल नंबर, नाव, आईचे नाव आणि जन्मतारीख आदी माहिती तेथे भरावी लागेल. २) काऊन्सेलिंग शुल्क - उमेदवारांना काऊन्सेलिंग प्रक्रियेसाठी पात्र होण्यासाठी नियोजित वेळेच्या आत शुल्क भरावे लागेल. शुल्क क्रेडिट कार्ड / डेबिट कार्ड द्वारे किंवा इंटरनेट बँकिंगद्वारे भरता येईल. ३) लॉकिंग चॉइस - आपल्या पसंतीचा अभ्यासक्रम निवडा आणि कॉलेजचं प्राधान्यक्रम निवडा. ४) सीट अलॉटमेंट लिस्ट - प्रत्येक राऊंडनंतर नीट सीट अलॉटमेंटचा निकाल जारी केला जाईल. कधी आणि कशी होईल नीट परीक्षा? नीट परीक्षेसाठी एकूण १५.९७ लाख उमेदवारांनी नोंदणी केली होती. यातील ८५ ते ९० टक्के परीक्षार्थींनी परीक्षा दिली. यावर्षी सुमारे १४.३७ लाखांहून अधिक उमेदवार महामारी असूनही १३ सप्टेंबर रोजी झालेल्या प्रवेश परीक्षेत सामील झाले होते. कंटेन्मेंट झोनमधील ज्या विद्यार्थ्यांना परीक्षा देता आली नव्हती, त्यांच्यासाठी १४ ऑक्टोबर रोजी पुन्हा एकदा परीक्षेचे आयोजन करण्यात आले होते. या परीक्षेत यशस्वी होणाऱ्या परीक्षार्थींना देशातील सरकारी आणि खासगी मेडिकल कॉलेजांमध्ये एमबीबीएस आणि बीडीएस कोर्सेसमध्ये प्रवेश मिळणार आहे.

from Career News in Marathi: Career News, मराठी Career बातम्या | Maharashtra Times https://ift.tt/2IMYUrz
via IFTTT