AISSEE 2021: सैनिक स्कूल परीक्षेसाठी अर्ज करण्यास मुदतवाढ

Admission 2021-22: ऑल इंडिया सैनिक स्कूल परीक्षा (AISSEE) 2021 साठी ऑनलाइन अर्ज करण्याची अंतिम मुदत वाढवण्यात आली आहे. साठी नोंदणी करण्याची प्रक्रिया २० ऑक्टोबर रोजी सुरू झाली होती. ही प्रक्रिया ३ डिसेंबरपर्यंत सुरू राहणार आहे. या प्रक्रियेसाठी अर्ज करण्याची अंतिम मुदत १९ नोव्हेंबर पर्यंत होती, ती आता ३ डिसेंबरपर्यंत वाढवण्यात आली आहे. सैनिकी शाळांमध्ये इयत्ता सहावी ते नववी मध्ये प्रवेश होतील. यासाठी नॅशनल टेस्टिंग एजन्सीद्वारे ऑल इंडिया सैनिक स्कूल एन्ट्रन्स एक्झाम (AISSEE) चे आयोजन करण्यात येते. २०२१ या शैक्षणिक वर्षासाठी इयत्ता सहावी आणि नववी प्रवेशांसाठी देशभरात ही प्रवेश परीक्षा (AISSEE 2021) १० जानेवारी २०२१ रोजी आयोजित केली जाईल. शुल्क अर्ज करण्याच्या वेळीच परीक्षा शुल्क भरावे लागेल. एससी आणि एसटी उमेदवारांसाठी परीक्षा शुल्क ४०० रुपये, अन्य सर्व प्रवर्गांसाठी ५५० रुपये आहे. वयोमर्यादा इयत्ता सहावीत प्रवेशासाठी विद्यार्थ्याचे वय ३१ मार्च २०२१ पर्यंत १० ते १२ वर्षादरम्यान असावे. मुलींसाठी सर्व सैनिकी शाळांमध्ये केवळ इयत्ता सहावीतील प्रवेशाचा नियम आहे. इयत्ता नववीत प्रवेशासाठी विद्यार्थ्याचे वय ३१ मार्च २०२१ पर्यंत १३ ते १५ वर्षांदरम्यान असावे. प्रवेशाच्या वेळी विद्यार्थ्यांनी इयत्ता आठवी उत्तीर्ण असायला हवे. Notification 2021 पाहण्यासाठी AISSEE च्या संकेतस्थळावर जाण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/2IJ12Rq
via IFTTT