NEET Counselling 2020: दुसऱ्या फेरीची प्रक्रिया लांबणीवर

NEET Counselling 2020: मेडिकल काऊन्सेलिंग कमिटी () ने NEET UG Counselling 2020 ची दुसरी फेरी लांबणीवर टाकली आहे. ही फेरी आजपासून सुरू होणार होती. पण ती आता २० नोव्हेंबरपासून सुरू होणार आहे. MBBS, BDS अभ्यासक्रमांच्या १५ टक्के ऑल इंडिया कोट्याच्या जागांवरील प्रवेशांसाठी ही प्रक्रिया राबवली जाते. बुधवार १८ नोव्हेंबरपासून सुरू होणारी दुसरी फेरी आयपी कोट्यामुळे लांबणीवर टाकल्याची माहिती MCC ने दिली आहे. इन्शुअर्ड पर्सन्सच्या विद्यार्थ्यांसाठी राखीव असणाऱ्या जागा दुसऱ्या फेरीसाठी जोडण्यात येणार असल्यामुळे ही फेरी लांबली असल्याचे एमसीसीने म्हटले आहे. ज्या विद्यार्थ्यांना पहिल्या फेरीच्या जागा सरेंडर करायच्या आहेत, त्यांच्यासाठी ही प्रक्रिया १९ नोव्हेंबर रोजी सायंकाळी ५ वाजेपर्यंत सुरू राहणार आहे. प्रवेश निश्चितीच्या वेळी लागणारी कागदपत्रे पुढीलप्रमाणे - १) एनटीएने दिलेले परीक्षेचे अॅडमिट कार्ड २) एनटीएने जारी केलेली निकालाची प्रत ३) जन्मतारखेचा दाखला ४) बारावीचे प्रमाणपत्र ५) बारावीची गुणपत्रिका ६) ८ पासपोर्ट आकाराची छायाचित्रे (जे छायाचित्र अर्जावर लावले असेल तेच हवे) ७) प्रोव्हिजनल अलॉटमेंट लेटर ८) ओळखपत्र या व्यतिरिक्त एनआरआय आणि विशेष प्रवर्गातील विद्यार्थांनी त्यांच्यासाठी आवश्यक प्रमाणपत्रे सादर करायची आहेत.

from Career News in Marathi: Career News, मराठी Career बातम्या | Maharashtra Times https://ift.tt/2UCFGr9
via IFTTT