NEET UG Counselling दुसऱ्या फेरीला आजपासून सुरुवात

NEET Counselling 2020: मेडिकल काऊन्सेलिंग कमिटी () ने ची दुसरी फेरी आजपासून सुरू होत आहे. MBBS, BDS अभ्यासक्रमांच्या १५ टक्के ऑल इंडिया कोट्याच्या जागांवरील प्रवेशांसाठी ही प्रक्रिया राबवली जाते. काऊन्सेलिंगची दुसरी फेरी १८ ते २२ नोव्हेंबर या कालावधीत राबवण्यात येणार आहे. नीट काऊन्सेलिंग शेड्युलनुसार, पसंतीक्रम भरणे, शुल्क भरणे, चॉइस लॉकिंग सुविधात आदी प्रक्रियांसाठी १९ ते २२ नोव्हेंबर अशी मुदत आहे. MCC समुपदेशनाच्या दुसऱ्या फेरीचा निकाल २५ नोव्हेंबर रोजी जाहीर करणार आहे. अलॉट झालेल्या महाविद्यालयांमध्ये विद्यार्थ्यांना २६ नोव्हेंबर ते ५ डिसेंबर २०२० या कालावधीत प्रवेश निश्चित करायचे आहेत. पहिल्या फेरीचा निकाल ६ नोव्हेंबर रोजी जारी झाला होता. १६ नोव्हेंबरपर्यंत पहिल्या फेरीचे प्रवेश निश्चित करायची मुदत होती. तिसरी फेरी कधी? तिसऱ्या फेरीसाठी नोंदणी १० डिसेंबरपासून सुरू होणार आहे. तिसऱ्या फेरीचा निकाल १७ डिसेंबरला जाहीर होईल आणि त्यानुसार १८ ते २६ डिसेंबर या कालावधीत प्रवेश होतील. प्रवेश निश्चितीच्या वेळी लागणारी कागदपत्रे पुढीलप्रमाणे - १) एनटीएने दिलेले परीक्षेचे अॅडमिट कार्ड २) एनटीएने जारी केलेली निकालाची प्रत ३) जन्मतारखेचा दाखला ४) बारावीचे प्रमाणपत्र ५) बारावीची गुणपत्रिका ६) ८ पासपोर्ट आकाराची छायाचित्रे (जे छायाचित्र अर्जावर लावले असेल तेच हवे) ७) प्रोव्हिजनल अलॉटमेंट लेटर ८) ओळखपत्र या व्यतिरिक्त एनआरआय आणि विशेष प्रवर्गातील विद्यार्थांनी त्यांच्यासाठी आवश्यक प्रमाणपत्रे सादर करायची आहेत.

from Career News in Marathi: Career News, मराठी Career बातम्या | Maharashtra Times https://ift.tt/36GJsFE
via IFTTT