देशातील पहिले आंतरराष्ट्रीय क्रीडा विद्यापीठ महाराष्ट्रात

म. टा. विशेष प्रतिनिधी, मुंबई देशातील पहिले आंतरराष्ट्रीय राज्यात स्थापन करण्यात आले असून, त्याची घोषणा चालू वर्षाच्या अर्थसंकल्पात करण्यात आली होती, अशी माहिती क्रीडामंत्री सुनील केदार यांनी गुरुवारी दिली. यासंदर्भातील विधेयक विधिमंडळाच्या हिवाळी अधिवेशनात सादर करण्यात आले आणि त्याला दोन्ही सभागृहांनी एकमताने मंजुरी दिली. त्यामुळे येत्या शैक्षणिक वर्षापासून विद्यापीठात प्रवेश प्रक्रियेसह अभ्यासक्रम सुरू करण्यात येणार असल्याचेही केदार यांनी सांगितले. विद्यापीठ स्थापनेनंतर प्रथम वर्षी क्रीडा विज्ञान, क्रीडा तंत्रज्ञान व क्रीडा प्रशिक्षण हे तीन अभ्यासक्रम सुरू करण्यात येणार आहेत. प्रत्येक अभ्यासक्रमात ५० विद्यार्थी प्रवेशसंख्या निश्चित करण्यात आली आहे. त्यानंतर पुढील वर्षामध्ये मागणीनुसार आणि आवश्यकतेनुसार आणखी अभ्यासक्रम सुरू करता येतील.यामुळे शारीरिक शिक्षण, क्रीडा विज्ञान, क्रीडा वैद्यकशास्त्र, क्रीडा तंत्रज्ञान, क्रीडा प्रशासन, क्रीडा व्यवस्थापन, क्रीडा माध्यम आणि कम्युनिकेशन, क्रीडा प्रशिक्षण यामध्ये शिक्षणाच्या तसेच नोकरीच्या संधी उपलब्ध होतील, असा विश्वास केदार यांनी व्यक्त केला. याशिवाय क्रीडा क्षेत्रातील तांत्रिक मनुष्यबळदेखील मोठ्या प्रमाणात उपलब्ध होईल. शारीरिक शिक्षण, क्रीडा शिक्षण यामध्ये संशोधन आणि विकास चांगल्याप्रकारे होईल असेही त्यांनी सांगितले. विद्यापीठासाठी स्वतंत्र इमारत राज्यात सध्या पुणे जिल्ह्यातील बालेवाडी येथे शिवछत्रपती क्रीडा संकुल सुरू आहे. या क्रीडा संकुलात विविध खेळांच्या आंतरराष्ट्रीय दर्जाच्या क्रीडा सुविधा उपलब्ध करून देण्यात आल्या आहेत. या सुविधांचे अद्ययावतीकरण तसेच नवीन सुविधा उपलब्ध करण्याची कार्यवाही सातत्याने होत असते. यामुळे हे विद्यापीठ सध्या शिवछत्रपती क्रीडा संकुल, बालेवाडी येथे कार्यान्वित करण्यात येणार आहे. नंतरच्या कालावधीत या विद्यापीठासाठी स्वतंत्र इमारत बांधकाम करण्यात येईल. इमारतीसाठी ४०० कोटी रुपये खर्च अपेक्षित असल्याची माहिती क्रीडामंत्र्यांनी दिली. हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/3r7WiWP
via IFTTT