CAT 2020: परीक्षेची उत्तरतालिका जाहीर

Answer Key: इंडियन इन्स्टिट्यूट ऑफ मॅनेजमेंट इंदूर (IIM Indore) ने कॉमन अॅडमिशन टेस्ट अर्थात CAT 2020 ची उत्तरतालिका (CAT 2020 Answer Key) जाहीर केली आहे. कॅट परीक्षेच्या अधिकृत संकेतस्थळावर विद्यार्थ्यांना ही पाहता येईल. उत्तरतालिकेसोबतच आयआयएम इंदूरने कॅट रिस्पॉन्स शीटदेखील उपलब्ध केली आहे. ज्यांना या उत्तरतालिकेवर हरकत घ्यायची असेल, त्यांच्यासाठी ११ डिसेंबर २०२० पर्यंतची मुदत देण्यात आली आहे. आयआयएम इंदूरने यासंदर्भात असं म्हटलं आहे की, 'CAT 2020 Answer key वर हरकती नोंदवण्यासाठी लिंक ८ डिसेंबर सकाळी १० वाजल्यापासून ११ डिसेंबर सायंकाळी ५ वाजेपर्यंत अॅक्टिव्ह असेल. उमेदवारांना या कालावधीत आन्सर की देखील पाहता येईल आणि हरकती असल्यास त्याही नोंदवता येतील.' CAT 2020 Answer Key कशी डाऊनलोड कराल? - अधिकृत संकेतस्थळ वर जा. - रजिस्टर्ड कॅंडिडेट लॉगइनवर क्लिक करा. - तुमचे लॉगइन क्रिडेन्शिअर वापरून लॉगइन करा. - आता कॅट २०२० परीक्षेची उत्तरतालिक तुमच्या समोर दिसेल. ती डाऊनलोड करा. आन्सर की मध्ये परीक्षेत विचारलेल्या प्रश्नांची योग्य उत्तरे दिलेली आहेत. त्यावरून उमेदवारांना त्यांचा संभाव्य स्कोअर काढता येईल. ११ डिसेंबर रोजी ची हरकती घेण्याची विंडो बंद होईल.

from Career News in Marathi: Career News, मराठी Career बातम्या | Maharashtra Times https://ift.tt/2VSaAws
via IFTTT