CBSE Exam 2021: परीक्षेसाठी अर्ज करण्यास मुदतवाढ

Board Exam 2021: केंद्रीय माध्यमिक शिक्षण मंडळाने (CBSE) खासगीरित्या परीक्षा देणाऱ्या विद्यार्थ्यांसाठी सीबीएसई इयत्ता दहावी आणि बारावी बोर्ड परीक्षा २०२१ साठी ऑनलाइन अर्ज भरण्याची अंतिम तारीख वाढवली आहे. ज्या विद्यार्थ्यांनी अद्याप सीबीएसई बोर्डाच्या परीक्षेचे अर्ज सादर केलेले नाहीत ते ९ डिसेंबरपर्यंत आपले अर्ज अधिकृत वेबसाइट cbse.nic.in वर जाऊन भरू शकतात. याशिवाय ज्या विद्यार्थ्यांनी अर्ज भरला आहे, ते १० डिसेंबर ते १४ डिसेंबर या कालावधीत त्यांच्या अर्जात सुधारणा करू शकतात. सीबीएसई बोर्डाने सांगितले, 'खासगीरित्या परीक्षा देणाऱ्या उमेदवारांची माहिती सादर करण्याची शेवटची तारीख झाल्यानंतर काही उमेदवारांनी डेटा दुरुस्त करण्यासाठी मुदतवाढ देण्याची विनंती केली होती. उमेदवारांनी केलेली मागणी लक्षात घेऊन खासगीरित्या परीक्षा देणाऱ्या उमेदवारांना परीक्षा फॉर्म भरण्यासाठी / दुरुस्ती करण्यासाठी लिंक पुन्हा एकदा अॅक्टिव्ह केली आहे.' CBSE Board Exam 2021: पुढील पद्धतीने भरा अर्ज - - प्रथम अधिकृत वेबसाइट cbse.nic.in वर जा. - यानंतर, खासगी विद्यार्थ्यांसाठी सीबीएसई परीक्षा फॉर्म 2020 च्या लिंकवर क्लिक करा. - आपल्या स्क्रीनवर एक नवीन पेज उघडेल. - येथे उमेदवारांना विचारलेली रोल नंबर आणि अन्य माहिती भरावी लागेल. - फॉर्म भरून शुल्क भरा. - भविष्यातील संदर्भासाठी एक प्रिंट आऊट घेऊन ठेवा.

from Career News in Marathi: Career News, मराठी Career बातम्या | Maharashtra Times https://ift.tt/3mRMSwf
via IFTTT