CS Exam: डिसेंबरऐवजी जूनमध्ये देता येणार परीक्षा, Opt Out ची लिंक अॅक्टिव्ह

ICSI Exam December 2020: इन्स्टिट्यूट ऑफ कंपनी सेक्रेटरी ऑफ इंडिया (आयसीएसआय) ने विद्यार्थ्यांना डिसेंबरऐवजी जून महिन्यात परीक्षा देण्यासाठी 'ऑप्ट-आउट' पर्यायासाठी अर्ज करण्याची प्रक्रिया सुरू केली आहे. देशभरातील कोविड -१९ महामारी स्थितीमुळे ज्या विद्यार्थ्यांना डिसेंबरमध्ये होणारी परीक्षा द्यायची नव्हती, त्यांच्यासाठी ऑप्ट-आऊट अर्ज प्रक्रिया सुरू करण्यात आली आहे. जे विद्यार्थी डिसेंबर २०२० च्या सीएस परीक्षेत भाग घेऊ इच्छित नाहीत आणि जून २०२१ च्या परीक्षेस हजेरी लावू इच्छितात, त्यांनी संस्थेच्या अधिकृत संकेतस्थळावर दिलेल्या आयसीएसआय ऑप्ट-आउट अॅप्लिकेशन लिंकद्वारे अर्ज करावा. विद्यार्थी आयसीएसआय ऑप्ट-आउट अर्ज भरण्यासाठी या वृत्तात दिलेल्या थेट लिंकद्वारे देखील जाऊ शकतात. कंपनी सेक्रेटरी फाउंडेशन प्रोग्राम, एक्झिक्युटिव्ह प्रोग्राम आणि प्रोफेशनल प्रोग्रामच्या एकत्रित परीक्षा २१ डिसेंबर ते ३० डिसेंबर या कालावधीत घेण्यात येणार आहेत. विद्यार्थ्यांना आयसीएसआय ऑप्ट-आउटसाठी अर्ज करायचा असेल तर त्यांनी हा अर्ज १५ जानेवारी २०१ पर्यंत ऑनलाइन भरायचा आहे. आयसीएसआयने ४ डिसेंबर रोजी प्रसिद्ध केलेल्या अद्ययावत माहितीनुसार उमेदवार जर ऑप्ट-आऊटसाठी अर्ज करणार असतील तर त्यांनी २० नोव्हेंबर ते ३० डिसेंबर या कालावधीत त्यांचा स्वत:चा किंवा जवळच्या नातेवाईकांचा कोविड-१९ पॉझिटिव्ह रिपोर्ट पुरावा म्हणून सादर करायचा आहे. जे विद्यार्थी सीएस डिसेंबर २०२० च्या परीक्षेसाठी ऑप्ट आऊट अर्ज सादर करतील, त्यांची डिसेंबर परीक्षेची नोंदणी रद्द करत संस्थेमार्फत जून २०२१ च्या परीक्षेसाठी अर्ज पुढे पाठवला जाईल. आणि विद्यार्थ्यांचा हाच अर्ज अंतिम समजला जाईल आणि पुढे कोणत्याही प्रकारचे बदल करण्याची परवानगी दिली जाणार नाही. सीएस परीक्षेसंदर्भातील महत्त्वाची सूचना वाचण्यासाठी

from Career News in Marathi: Career News, मराठी Career बातम्या | Maharashtra Times https://ift.tt/37VW4tl
via IFTTT