CS June Exam: कंपनी सेक्रेटरी जून परीक्षांचे वेळापत्रक जारी

इन्स्टिट्यूट ऑफ कंपनी सेक्रेटरीज् ऑफ इंडिया (ICSI) ने फाउंडेशन, एक्झिक्युटिव्ह आणि प्रोफेशनल (सीएस परीक्षा) परीक्षांचे वेळापत्रक जाहीर केले आहे. जून २०२१ मध्ये या परीक्षा होणार आहेत. CS Foundation Exam ५, ६ जून रोजी आणि CS Executive, Professional Exam () १ ते १० जून या कालावधीत आयोजित केली जाणार आहे. जून ११ ते १४ हे दिवस आपत्कालिन म्हणून राखून ठेवल्याचेही आयसीएसआयने परिपत्रकात म्हटले आहे. ज्या विद्यार्थ्यांनी डिसेंबरमध्ये परीक्षा देता आलेली नाही, ते विद्यार्थी जून मध्ये परीक्षा देऊ शकतील. ऑप्ट आऊट फॉर्म सबमीट करण्याची अंतिम मुदत १५ जानेवारी २०२१ पर्यंत आहे. यंदा करोना महामारीमुळे ही विशेष सुविधा संस्थेने दिली आहे. डिसेंबरमध्ये होणारी सीएस परीक्षा या महिन्याच्या २१ ते ३० तारखेदरम्यान होणार आहे. देशभरात २६२ परीक्षा केंद्रांवर ही परीक्षा होणार आहे. यंदा ४५ केंद्रे नव्याने समाविष्ट करण्यात आली आहेत. सोशल डिस्टन्सिंगच्या नियमावलीचे पालन करण्यासाठी संस्थेला परीक्षा केंद्रांमध्ये वाढ करावी लागली आहे. ४५ पैकी २६ वाढीव केंद्रे राज्यातील मुंबई, ठाणे, नवी मुंबईसह भुवनेश्वर, कोलकाता, हैदराबाद, बेंगळुरू आणि चेन्नई येथे आहेत. विद्यार्थ्यांनी मास्क, सॅनिटायझर्सचा वापर करणं अनिवार्य आहे. या परीक्षेसाठी अॅडमिट कार्डही जारी करण्यात आलं आहे. सीएस फाउंडेशन परीक्षेत एकूण आठ तर प्रोफेशनलमध्ये नऊ विषय असतात. संस्थेच्या या अधिकृत संकेतस्थळावर रेफरन्स स्टडी मटेरियल देखील उपलब्ध आहे. ICSI डिसेंबर परीक्षेचे अॅडमिट कार्ड कसे डाऊनलोड कराल? - icsi.edu या आयसीएसआयच्या अधिकृत संकेतस्थळावर जा. - 'Executive & Professional (Old & New Syllabus ) Admit Card: December 2020 Session of Examination' या लिंकवर क्लिक करा. - रजिस्ट्रेशन क्रमांक देऊन लॉगइन करा. - गेट अॅडमिट कार्ड या लिंकवर क्लिक करा. - आयसीएसआय अॅडमिट कार्ड डाऊनलोड करा आणि भविष्यातील संदर्भासाठी एक प्रिंटआऊट घेऊन ठेवा.

from Career News in Marathi: Career News, मराठी Career बातम्या | Maharashtra Times https://ift.tt/38ciTZA
via IFTTT