UPSC EPFO परीक्षा केंद्रात बदल करण्याच्या प्रक्रियेस सुरुवात

UPSC EPFO Exam Centre Update: केंद्रीय लोकसेवा आयोगाच्या कर्मचारी भविष्य निर्वाह निधी संस्थेत एनफोर्समेंट ऑफिसर किंवा अकाउंट्स ऑफिसर पदांसाठी होणाऱ्या परीक्षेसाठी परीक्षा केंद्राचे शहर बदलण्याची लिंक आज १५ डिसेंबर पासून अॅक्टिव्ह होत आहे. UPSC EPFO परीक्षा ९ मे २०२१ रोजी देशभरात विविध केंद्रांवर होणार आहे. ज्या विद्यार्थ्यांना परीक्षा केंद्राचा पर्याय बदलण्याची इच्छा आहे, त्यांना ती संधी देण्याचा निर्णय आयोगाने घेतला आहे. मात्र, उपलब्ध क्षमतेनुसारच उमेदवारांना त्यांच्या आवडीच्या परीक्षा केंद्राचा पर्याय मिळेल, याची नोंद घ्यावी, असंही आयोगाने कळवलं आहे. यासंदर्भात जारी केलेल्या परिपत्रकात असे म्हटले आहे की, 'मोठ्या प्रमाणावर उमेदवारांची मागणी लक्षात घेऊन त्यांना परीक्षा केंद्रात बदल करण्याची मुभा देण्यात येत आहे. कोलकाता आणि जयपूरमधून मोठ्या प्रमाणावर मागणी आली आहे. उपलब्ध केंद्रे आणि नव्याने समाविष्ट करण्यात आलेल्या एकूण केंद्रांची क्षमता लक्षात घेऊन त्यानुसारच उमेदवारांना त्यांच्या पसंतीक्रमानुसार केंद्रे देण्याचा प्रयत्न आयोग करेल. आता देशभरात ७२ केंद्रांवर परीक्षा होईल.' उमेदवारांना आपला परीक्षा केंद्राचा पर्याय बदलण्यासाठी विंडो दोन टप्प्यात उघडण्यात येणार आहे. पहिला टप्पा १५ डिसेंबर ते २१ डिसेंबर २०२० पर्यंत असेल आणि दुसरा टप्पा २९ डिसेंबर रोजी दुपारी ४ वाजेपर्यंत असेल. परीक्षेचा पॅटर्न UPSC ने सांगितलं आहे की देशभरात ७२ परीक्षा केंद्रांवर परीक्षेचे आयोजन केले जाणार आहे. UPSC EPFO परीक्षेसाठी उमेदवारांना २ तासांचा वेळ दिला जाईल. परीक्षा वस्तुनिष्ठ प्रकारची असेल आणि परीक्षेत हिंदी आणि इंग्रजी अशा दोना भाषांमध्ये प्रश्न विचारले जातील. लेखी परीक्षेत यशस्वी होणाऱ्या उमेदवारांना मुलाखतीसाठी बोलावले जाईल. परीक्षा आणि मुलाखतीचे बलाबत ७५:२५ असेल. या भरती प्रक्रियेच्या माध्यमातून ४२१ पदे भरली जाणार आहेत.

from Career News in Marathi: Career News, मराठी Career बातम्या | Maharashtra Times https://ift.tt/2K8qAbp
via IFTTT