बोर्ड परीक्षांसंबंधी शिक्षणमंत्री साधणार लाइव्ह संवाद

परीक्षांपासून अभ्यासक्रमापर्यंत विविध विषयांवर विद्यार्थी, पालक, शिक्षकांना पडलेल्या प्रश्नांची उत्तरे केंद्रीय शिक्षणमंत्री डॉ. यांनी अलीकडेच दिली होती. आता पुन्हा येत्या १७ डिसेंबर रोजी ते ट्विटरवर पुन्हा लाइव्ह येणार आहेत. बोर्ड परीक्षांवर चर्चा करण्यासाठी हे विशेष चर्चासत्र होणार आहे. या वेळी इयत्ता दहावी आणि बारावीच्या शिक्षकांसोबत चर्चा केली जाणार आहे. ट्विटरवर लाइव्ह येण्याच्या घोषणेनंतर तत्काळी विद्यार्थ्यांनी अभ्यासक्रम किती कमी केला जाणार याबाबत अनेक प्रश्न विचारले. यापूर्वी देखील १० डिसेंबर रोजी विद्यार्थ्यांनी बोर्ड परीक्षा, नीट २०२१, JEE Main 2021 वर अनेक प्रश्न विचारले होते. शिक्षणमंत्री पोखरियाल यांनी यापूर्वी म्हटले होते की दहावी आणि बारावी बोर्ड परीक्षांच्या अभ्यासक्रमात ३० टक्के कपात करण्यात आली आहे. कारण विद्यार्थ्यांनी ऑनलाइन वर्गांची अक्षमता आणि वार्षिक परीक्षांच्या तयारीसाठी कमी पडणारा वेळ याबाबत तक्रार केली होती. केंद्रिय माध्यमिक शिक्षण मंडळाच्या अधिकृत संकेतस्थळावर याबाबत माहिती देण्यात आली आहे. मात्र, विद्यार्थ्यांना अभ्यासक्रमाचा कोणता भाग शिकवला जाणार आणि कोणता नाही याबाबत स्पष्टता नाही. एका विद्यार्थ्याने बारावी अर्थशास्त्र विषयाच्या अभ्यासक्रमात कपात केली गेली नसल्याची बाब शिक्षणमंत्र्यांच्या नजरेस आणून दिली आहे. अभ्यासक्रम कपातीबाबत विविध राज्यांमध्ये मतमतांतरे आहेत. बारावीचा अभ्यासक्रम ३० टक्क्यांनी कमी केला नसल्याची अनेक विद्यार्थ्यांची तक्रार आहे. हिमांशी नावाच्या एका विद्यार्थ्याने सांगितले की जो सोपा भाग होता नेमका तोच अभ्यासक्रमातून हटवण्यात आला आहे. महाराष्ट्र आणि राजस्थान मंडळांनी परीक्षा मे महिन्यापर्यंत पुढे ढकलल्या आहेत, तर मग सीबीएसई असे का करत नाही असा प्रश्नही या विद्यार्थ्याने उपस्थित केला आहे.

from Career News in Marathi: Career News, मराठी Career बातम्या | Maharashtra Times https://ift.tt/3miUmY4
via IFTTT