पालिकेच्या १० शाळांत आता 'सीबीएसई' बोर्डाचा अभ्यासक्रम

म. टा. विशेष प्रतिनिधी, मुंबई मुंबईतील महापालिकेच्या १० शाळांमध्ये यापुढे सीबीएसई मंडळातील अभ्यासक्रमाचे शिक्षण घेता येणार आहे. पालिका शिक्षण विभागाने २०२१-२२ वर्षात सीबीएसई पॅटर्ननुसार शिशुवर्ग ते सहावीपर्यंत प्रत्येक वर्गाची एक तुकडी सुरू करण्याचे ठरविले आहे. त्यात आर्थिक दुर्बल घटकांतील विद्यार्थ्यांना सर्वाधिक प्राधान्य देण्यात येणार आहे. पालिका शिक्षण विभागाने जोगेश्वरीतील पूनमनगर शाळेत यापूर्वी प्रायोगिक तत्त्वावर सुरू सीबीएसई शाळेस उत्तम प्रतिसाद लाभला आहे. त्या अनुभवाच्या आधारे पालिकेने इतर ठिकाणी सीबीएसई शाळा सुरू करण्याचा प्रस्ताव मांडला आहे. त्यानुसार, पालिकेच्या १० शाळात शिशुवर्ग ते सहावीपर्यंत एकेक तुकडी सुरू करण्याचे ठरविण्यात आले आहे. पालिकेकडून मुंबईत विविध ठिकाणी दहावीपर्यंतच्या शाळा चालवल्या जातात. त्याचवेळी, पालकांचा इंग्रजी माध्यमाकडे ओढा वाढत चालला आहे. तर आर्थिकदृष्ट्या परवडत नसतानाही अनेक पालक सीबीएसई, आयसीएसई मंडळाच्या अभ्यासक्रमात प्रवेश घेतले जात आहे. हा भाग लक्षात घेऊन पालिकेनेही आर्थिकदृष्ट्या दुर्बल घटकातील विद्यार्थ्यांसाठी १० ठिकाणी सीबीएसई शाळा सुरू करण्याचे ठरविले आहे. त्या विदयार्थ्यांना पालिकेच्या इतर शाळाप्रमाणे सर्व सुविधा दिल्या जाणार आहेत. महत्त्वाचे म्हणजे शाळांत प्रवेश घेण्यासाठी ९० टक्के प्रवेश हे लॉटरी पद्धतीने, महापौरांच्या शिफारसीनुसार पाच टक्के , पालिका कर्मचाऱ्यांच्या मुलांसाठी पाच टक्के प्रवेश राखीव ठेवले जाणार आहेत. प्रभाग -- शाळा एल - तुंगा व्हिलेज, नवीन इमारत एन - राजावाडी मनपा शाळा एफ - उत्तर - कानेनगर, मनपा शाळा जी- उत्तर -- भवानी शंकररोड शाळा के - पश्चिम - प्रतीक्षा नगर मनपा शाळा एम- पूर्व -२ - अझीझ बाग मनपा शाळा पी- उत्तर -- दिंडोशी मनपा शाळा पी - उत्तर -- जनकल्याण नवीन इमारत टी-मिठानगर शाळा, मुलुंड एस-हरियाली व्हिलेज, मनपा शाळा विक्रोळी

from Career News in Marathi: Career News, मराठी Career बातम्या | Maharashtra Times https://ift.tt/2XQgz5S
via IFTTT