मुंबईतील शाळा सुरू होणार? आज महापौर दालनात बैठक

म. टा. विशेष प्रतिनिधी, मुंबई मुंबईत करोना लसीकरण सुरू झाले असतानाच बंद असलेल्या शाळांचे दरवाजे किंचित तरी उघडतील का, याविषयी उत्सुकता निर्माण झाली आहे. करोना संसर्ग कमी झाला असला तरीही मुंबईत शाळा सुरू करण्याविषयी आज, सोमवारी मुंबई महापौरांच्या दालनात विशेष बैठक घेण्यात आली आहे. लसीकरण मोहिमेला सुरूवात होताच त्यात अॅपमधील तांत्रिक अडचणींमुळे रविवार, सोमवारी त्यात खंड पडला आहे. मात्र, त्यानंतर ही मोहीम सुरू राहणार आहे. त्यात मुलांना लस दिली जाणार नसल्याने शाळांबाबतचा निर्णय प्रलंबित राहिला आहे. यापूर्वी शाळा सुरू करण्याचे निर्णय घेण्यात आले असले तरी ते नंतर मागे घेण्यात आले. त्यामुळे सुरू होण्याबाबतच्या निर्णयाकडे हजारो पालक, शिक्षक, विद्यार्थ्यांचे लक्ष लागले आहे. यासंदर्भात मुंबई पालिका शिक्षण विभाग, आरोग्य खात्याची सोमवारी, विशेष बैठक घेण्यात आली आहे. त्यात पालिकेप्रमाणेच अन्य अनुदानित, विना अनुदानित शाळा सुरू करण्याबाबत महापौर किशोरी पेडणेकर यांच्या दालनात बैठकीत चर्चा होणार आहे. त्यात शाळा पुन्हा सुरू करण्याबाबत निर्णय अपेक्षित आहे. कोवीन अॅपमध्ये बिघाड झाल्याने लसीकरणात दोन दिवसांचा खंड निर्माण झाला असला तरीही ते तात्कालिक आहे. लसीकरण सुरू राहणार असून केंद्र सरकारच्या सूचनेनुसार लसीकरणाची ऑफलाइन नोंदणी करता येणार नाही. तर, अॅपमधील तांत्रिक अडचणी संपुष्टात आल्यानंतर लसीकरण पुन्हा सुरू होणार असल्याचे पेडणेकर यांनी स्पष्ट केले. केंद्र सरकारने याबाबत सर्व प्रकारे विचार करुनच बायोटेक लसीला मान्यता दिली असल्याचीही प्रतिक्रिया त्यांनी दिली. हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/3in5eDE
via IFTTT