JEE Main 2021: जेईईसाठी अर्ज करण्यास मुदतवाढ

JEE Main 2021: नॅशनल टेस्टिंग एजन्सीने (NTA) ने परीक्षेसाठी अर्ज करण्यासाठी मुदत वाढवली आहे. मेन परीक्षेसाठी अर्ज करण्याची मुदत शनिवारी १६ जानेवारी रोजी संपत होती. एनटीएने ती २३ जानेवारीपर्यंत वाढवली आहे. एनटीएने यासंदर्भात जारी केलेल्या परिपत्रकात म्हटले आहे की, उमेदवार २३ जानेवारीपर्यंत अर्ज करू शकतात. ऑनलाइन अर्जांची प्रक्रिया १६ डिसेंबर २०२० पासून सुरू झाली आहे. ती २३ जानेवारी २०२१ पर्यंत सुरू राहणार आहे. अर्जांचे शुल्क भरण्याची अखेरची मुदत २४ जानेवारी २०२१ आहे. फेब्रुवारी महिन्यातील २३, २४, २५ आणि २६ या तारखांना जेईई मेन २०२१ चा पहिला टप्पा पार पडणार आहे. देशातील आयआयटी, एनआयटी आणि अन्य सीएफटीआय संस्थांमधील अभियांत्रिकीच्या यूजी अभ्यासक्रमांच्या प्रवेशांसाठी ही परीक्षा घेतली जाते. यंदा तब्बल चार वेळा ही परीक्षा होणार आहे. फेब्रुवारीव्यतिरिक्त मार्च, एप्रिल आणि मे महिन्यात या परीक्षेचे अन्य तीन टप्पे पार पडणार आहे. विद्यार्थ्यांनी https://ift.tt/30JsKjS या संकेतस्थळावर जाऊन अर्ज करायचे आहेत. विद्यार्थी एका किंवा एकापेक्षा अधिक टप्प्यातील परीक्षा देऊ शकतात. त्यांचे सर्वोतम गुण ग्राह्य धरले जाणार आहेत. दरम्यान, साठी अर्जात दुरुस्ती असल्यास ती करण्यासाठी २७ जानेवारी २०२१ रोजी पुन्हा विंडो ओपन होणार आहे. दुरुस्तीसाठी अखेरची मुदत ३० जानेवारी २०२१ आहे. फेब्रुवारीच्या दुसऱ्या आठवड्यात या परीक्षेसाठी अॅडमिट कार्ड उपलब्ध करून दिले जाणार आहे.

from Career News in Marathi: Career News, मराठी Career बातम्या | Maharashtra Times https://ift.tt/2XPk2lb
via IFTTT