केंद्र सरकारी नोकरीची संधी; इसीजीसीमध्ये भरती

प्रा. संजय मोरे आजचं युग स्पर्धेचं बनलं आहे. त्यासाठी कठोर परिश्रम आणि योजनाबद्ध प्रयत्न करावे लागतात, याची जाणीव करून देण्याची आवश्यकता वाढली आहे. राज्यात महाराष्ट्र लोकसेवा आयोग तर केंद्रात युनियन पब्लिक सर्व्हिस कमिशन आणि स्टाफ सिलेक्शन कमिशन विविध प्रशासकीय पदांसाठी स्पर्धा परीक्षा घेत असतात. या परीक्षा राज्यसेवा आणि केंद्रीय सेवांमधील विविध प्रशासकीय पदं प्राप्त करण्यासाठी अनिवार्य आहेत. या परीक्षांसाठी पात्रता व निकष ठरवलेले असतात. तसंच परीक्षांचं स्वरूपही निश्चित केलेलं असतं. सुनिश्चित अभ्यासक्रम असतो. प्रश्नपत्रिकेचं स्वरूप देखील गुणविभागणीसह जाहीर केलेलं असतं. केंद्र आणि राज्याशिवाय बँकांमधील भरती प्रक्रियेसाठी आयबीपीएस मार्फत परीक्षा घेतली जाते. त्याचप्रमाणे इसीजीसी (भारत सरकारचा उपक्रम) मार्फत प्रोबेशनरी ऑफिसर पदासाठी अर्ज मागवण्यात आले आहेत. इसीजीसी (एक्स्पोर्ट क्रेडीट गॅरंटी कॉर्पोरेशन) ही कंपनी भारत सरकारच्या वाणिज्य मंत्रालयाच्या अंतर्गत येते. भारतीय निर्यातदारांना निर्यात विमा सहकार्य उपलब्ध करणारी कंपनी आहे. वयोमर्यादा- २१ ते ३० वर्षं (इमाव- ३३ वर्षं, अजा/अज- ३५ वर्षं, दिव्यांग- ४० वर्षं) शैक्षणिक पात्रता- कोणत्याही शाखेतील पदवीधर. निवड पद्धती आणि भरती प्रक्रिया- या भरती प्रक्रियेसाठी होणारी परीक्षा ही १४ मार्च, २०२१ रोजी ऑनलाइन पद्धतीनं होणार आहे. परीक्षेत ५ घटक असून २०० प्रश्नांसाठी २०० गुण असतील. त्यासाठी १४० मिनिटांचा कालावधी देण्यात येईल. विषय- प्रश्न- गुण- कालावधी रिझनिंग अ‍ॅबिलिटी- ५०- ५०- ४० मिनिटं इंग्रजी- ४०- ४०- ३० मिनिटं कम्प्युटर नॉलेज- २०- २०- १० मिनिटं जनरल अवेअरनेस- ४०- ४०- २० मिनिटं क्वांटीटेटीव्ह अ‍ॅप्टीट्यूड- ५०- ५०- ४० मिनिटं एकूण- २००- २००- १४० मिनिटं निगेटीव्ह मार्किंग पद्धतीमुळे चुकीच्या उत्तरासाठी प्रश्नास असलेल्या गुणांच्या १/४ गुण वजा केले जातील. ऑब्जेटीव्ह परीक्षेनंतर असणाऱ्या डिस्क्रीप्टीव्ह परीक्षेसाठी निबंध लेखन आणि सारांश लेखन हे दोन घटक आहेत. प्रत्येक घटकासाठी २० गुण असून त्यासाठी एकूण ४० मिनिटांचा कालावधी देण्यात येईल. या स्पर्धा परीक्षांना सामोरं जाण्यासाठी... - नियमितपणे अभ्यास करणं. - विविध विषयांच्या अभ्यासाचं आणि वेळेचं काटेकोर नियोजन करणं. - विविध विषयांच्या प्रश्नपत्रिकांच्या स्वरूपाचं विश्लेषण करून तंत्रशुद्ध पद्धतीनं अभ्यास करणं. - अपयश आल्यास पुन्हा प्रयत्नशील राहून परीक्षेची तयारी करणं. या गोष्टी विद्यार्थ्यांकडून अपेक्षित आहेत. तर मग अधिकारी होण्यासाठी अभ्यासाला लागा. संस्थेचं नाव- इसीजीसी पदाचं नाव- प्रोबेशनरी ऑफिसर एकूण पदं- ५९ शैक्षणिक पात्रता- पदवी उत्तीर्ण वयोमर्यादा- २१ ते ३० वर्षं ऑनलाइन रजिस्ट्रेशन- १ ते ३१ जानेवारी, २०२१ परीक्षा- १४ मार्च, २०२१ वेबसाइट- www.ecgc.in

from Career News in Marathi: Career News, मराठी Career बातम्या | Maharashtra Times https://ift.tt/2LD49Mo
via IFTTT