दहावी कला, क्रीडा गुणांच्या प्रस्तावांसाठी मुदतवाढ

महाराष्ट्र राज्य माध्यमिक आणि उच्च माध्यमिक शिक्षण मंडळामार्फत २०२१ मध्ये घेण्यात येणाऱ्या इयत्ता दहावीच्या विद्यार्थ्यांना मंडळाने दिलासा दिला आहे. ज्या विद्यार्थ्यांनी कला, क्रीडा क्षेत्रात प्राविण्य मिळवले आहे, अशा विद्यार्थ्यांना सवलतीचे अतिरिक्त गुण देण्यात येणार आहेत. या गुणांसाठी प्रस्ताव सादर करण्यासाठी विद्यार्थ्यांना मुदतवाढ देण्यात आली आहे. या मुदतवाढीनुसार, आता विद्यार्थी शाळेकडे २७ फेब्रुवारी २०२१ पर्यंत प्रस्ताव सादर करू शकतात. याआधी ही मुदत १५ डिसेंबर पर्यंत होती. शाळांनी विभागीय मंडळाकडे प्रस्ताव सादर करण्याची मुदत १५ मार्च २०२१ पर्यंत करण्यात आली आहे. याआधीची मुदत १५ जानेवारीला संपली होती. दहावी, बारावीच्या विद्यार्थ्यांना मिळणार शैक्षणिक मार्गदर्शन दहावी, बारावीच्या परीक्षा एप्रिलमध्ये सुरू होत आहेत. यावर्षी करोनाच्या पार्श्वभूमीवर विद्यार्थ्यांना ऑनलाइन शिक्षण देण्यात आले. त्यामुळे त्यांना परीक्षेमध्ये कोणतीही अडचण येऊ नये व त्यांच्या समस्यांचे निराकरण व्हावे यासाठी राज्य शैक्षणिक संशोधन व प्रशिक्षण परिषदेकडून दहावी व बारावीच्या विद्यार्थ्यांसाठी शैक्षणिक मार्गदर्शन व समुपदेशन सेवा उपलब्ध करून देण्यात येणार आहे. त्यासाठी राज्यभरात तब्बल ४२६ तज्ज्ञ समुपदेशकांची नियुक्ती केली आहे.

from Career News in Marathi: Career News, मराठी Career बातम्या | Maharashtra Times https://ift.tt/2Np53MH
via IFTTT