सारस्वत बँकेत क्लर्क भरती; कॉमर्स, मॅनेजमेंट पदवीधरांना संधी

Saraswat Bank Recruitment 2021: बँकेत क्लर्कची नोकरी शोधत असणाऱ्या तरुणांसाठी सारस्वत बँकेने संधी निर्माण केली आहे. सारस्वत सहकारी बँकेच्या विविध राज्यांतील शाखांमध्ये ग्रेड बी (क्लेरिकर केडर) च्या एकूण १५० पदांसाठी भरती प्रक्रिया राबवण्यात येत आहे. महाराष्ट्र, गोवा, कर्नाटक आणि गुजरात राज्यातीली विविध शहरांमधील बँकेच्या शाखांमध्ये ज्युनिअर ऑफिसर - मार्केटिंग अँड ऑपरेशन्स या पदांवर ही भरती होत आहे. इच्छुक उमदेवार बँकेच्या अधिकृत संकेतस्थळावर saraswatbank.com वर उपलब्ध केलेल्या ऑनलाइन अॅप्लिकेशन फॉर्मच्या माध्यमातून अर्ज करू शकतात. अर्ज प्रक्रिया ऑनलाइन असून शुक्रवार ५ मार्च २०२१ पासून अर्ज भरायला सुरुवात झाली आहे. उमेदवार १९ मार्चपर्यंत आपलं ऑनलाइन अॅप्लिकेशन सबमीट करू शकतात. महाराष्ट्रात कोणत्या शहरात किती पदे? शहर - पदांची संख्या मुंबई, नवी मुंबई, ठाणे, रायगड - ८५ पुणे - २५ औरंगाबाद आणि जळगाव - ०६ नागपूर - ०४ कोल्हापूर आणि सांगली - १० नाशिक - ०४ रत्नागिरी - ०२ अन्य राज्यातील पदे गोवा - ०४ कर्नाटक - ०४ गुजरात - ०६ आवश्यक पात्रता सारस्वत बँक ज्युनिअर ऑफिसर भरतीसाठी ते उमेदवार पात्र असतील, जे कोणत्याही मान्यताप्राप्त विद्यापीठातून किंवा उच्च शिक्षण संस्थेतून कॉमर्स किंवा मॅनेजमेंटमधून किमान ६० टक्के गुणांसह पदवी उत्तीर्ण असतील. किंवा या विषयांमध्ये किमान ५० टक्के गुणांसह मास्टर्स डिग्री असलेले उमेदवार या भरतीसाठी पात्र असतील. वयोमर्यादा फेब्रुवारी २०२१ ला किमान २१ वर्षे आणि कमाल २७ वर्षे वय असावे. निवड प्रक्रिया सारस्वत बँकेत ज्युनिअर ऑफिसर पदावरील निवड ऑनलाइन परीक्षा आणि मुलाखतींच्या आधारे होणार आहे. पहिल्या टप्प्यात १६० मिनिटांची ऑनलाइन टेस्ट असेल. या चाचणीत जनरल / फायनान्शिअर अवेअरनेस, जनरल इंग्लिश, रिझनिंग अॅबिलीटी आणि कॉम्प्युटर अॅप्टिट्यूड आणि क्वांटिटेटिव्ह अॅप्टिट्यूड या विषयांवर १९० प्रश्न विचारले जातील. परीक्षा २०० गुणांची असून किमान ५० गुण मिळवणारे उमेदवार पात्र असतील. परीक्षेच्या आधारे तयार होणाऱ्या मेरीट लिस्टनुसार उमेदवारांना मुलाखतीसाठी बोलावले जाईल. अर्जाचे शुल्क - ७५० रुपये. शुल्क ऑनलाइन भरायचे आहे.

from Career News in Marathi: Career News, मराठी Career बातम्या | Maharashtra Times https://ift.tt/3ej5Vhg
via IFTTT