सीएचा अभ्यास कसा करावा?

सुचित्रा सुर्वे, ग्रोथ सेंटर गेल्या काही वर्षात व्यापार आणि उद्योगातील भरभराटीमुळे चार्टर्ड अकाऊंटंट्सचं महत्त्व मोठ्या प्रमाणात वाढलं आहे. रोजच्या कामकाजातील वित्तपुरवठ्याचा आढावा घेण्यासाठी संस्थांना चार्टर्ड अकाऊंटंट्सची (सीए) आवश्यकता असते. जरी सीएमध्ये प्रवेश घेणाऱ्या विद्यार्थ्यांची संख्या दरवर्षी वाढत असली तरीही, अंतिम परीक्षेत उत्तीर्ण होणाऱ्या विद्यार्थ्यांची संख्या फार कमी आहे. वेळ-पैसा यांची गुंतवणूक करून, खूप अभ्यास करून आणि परीक्षेला सामोरं जाण्याची रणनीती आखूनसुद्धा काही वेळेस अपयश पदरी पडू शकतं. अशा वेळी आपण नक्की कुठे चुकलो हे समजून घेणं महत्त्वाचं आहे. अपयशाची संभाव्य कारणं - वेळेचं नियोजन आणि व्यवस्थापन कौशल्यांचा अभाव - केवळ अभ्यासाचं नियोजन किंवा वेळापत्रक बनवण्यात जास्ती वेळ घालवणं - आयसीएआय अभ्यास सामग्री, प्रॅक्टिस मॅन्युअल यांचा वापर न करणं किंवा चुकीच्या पुस्तकांची निवड करणं - केवळ एका गटातील किंवा दोन्ही गटातील विषयांची तयारी करणं याबाबत गोंधळून जाणं. - योग्य मार्गदर्शन आणि आत्म जागरूकतेचा अभाव - चुकांचं विश्लेषण आणि दिलेल्या सल्ल्यांची अंमलबजावणी न करणं - भीती, निराशा, तणाव निर्माण होणं - प्रॅक्टिकल विषयात समाविष्ट असलेल्या थिअरीकडे दुर्लक्ष करणं. उजळणीसाठी पुरेसा वेळ न राखून ठेवणं ज्या विद्यार्थ्यांना यावर्षी परीक्षा उत्तीर्ण करता आल्या नाहीत त्यांच्याकडे खालील पर्याय आहेत... - जर पुन्हा परीक्षा देण्याची तुमची इच्छा असेल तर आधी केलेल्या चुकांची पुनरावृत्ती न करणं महत्त्वाचं आहे. आपण परीक्षेची तयारी कशी केली याचा विचार करा. तुमची लेखन शैली, वैचारिक स्पष्टता, थिअरी आणि प्रॅक्टिकल विषय यापैकी कशावर जास्ती भर देण्याची आवश्यकता आहे, हे समजून घ्या. लक्षात घ्या प्रत्येक प्रयत्नानंतर पास होण्याची आणि चांगली नोकरी मिळण्याची शक्यता कमी होऊ शकते. सीए होण्यास आवश्यक असलेल्या परीक्षा ठरावीक प्रयत्नात उत्तीर्ण होणं गरजेचं आहे. - काही जण पार्ट टाइम जॉबसह परीक्षेचा प्रयत्न करण्याचा विचार करतील, अशा परिस्थितीत वेळचं व्यवस्थापन महत्त्वपूर्ण भूमिका बजावतं. - जर आपण इतर करिअर पर्यायांबद्दल विचार करत असाल तर नजीकच्या भविष्यात आपल्या अपेक्षांचा विचार करा. सहजगत्या कोणतीही करिअर निवडू नका. आपण काय करू इच्छिता याबद्दल स्पष्टपणे विचार करा, आपल्याकडे संबंधित कौशल्यं आणि शैक्षणिक पार्श्वभूमी आहे का? तुम्हाला कोणती प्रवेश परीक्षा द्यावी लागेल का? असे कोणते ऑनलाइन कोर्स आहेत जे तुम्ही करू शकता? दुसऱ्या शब्दांत आपली सद्यस्थिती आणि आपले इच्छित लक्ष्य समजून घ्या आणि मग निर्णय घ्या. - तुमचे उद्दिष्ट साध्य करण्यासाठी योग्य कृतीची आवश्यकता आहे आणि त्यासाठी विचार करा. विश्वासू लोकांशी चर्चा करा. अपयश जरी आलं तरी न डगमगता, नवी सुरुवात आहे असं समजून ध्येय साध्य करण्यासाठी पुन्हा जोमानं तयारीला लागा. ऑल द बेस्ट!

from Career News in Marathi: Career News, मराठी Career बातम्या | Maharashtra Times https://ift.tt/3qyEt1I
via IFTTT