दहावी,बारावीच्या विद्यार्थ्यांना तणावमुक्तीसाठी ऑनलाइन मार्गदर्शन

म. टा. विशेष प्रतिनिधी, मुंबई करोनाकाळात सर्वजण त्यांच्या स्तरावर विविध मानसिक तणावातून जात आहेत. यात विद्यार्थ्यांचाही समावेश आहे. १०वी व १२वीच्या विद्यार्थ्यांना (SSC HSC Exams 2021) आगामी परीक्षांच्या काळात निर्माण होणाऱ्या तणावाचे व्यवस्थापन करून, त्यावर मात करण्यासाठी राज्य शैक्षणिक संशोधन आणि प्रशिक्षण परिषदेने 'हार्टफुलनेस एज्युकेशन ट्रस्ट'च्या माध्यमातून ऑनलाइन मार्गदर्शनाचे () आयोजन केले होते. हार्टफुलनेस आणि परिषदेने संयुक्तपणे 'हार्टफुलनेस पद्धतीने परीक्षेच्या तणावाचे व्यवस्थापन' हा उपक्रम ऑनलाइन राबवला. यामध्ये परीक्षांचा कठीण काळ योग्य रीतीने हाताळण्यासाठी मानसिक आणि बौद्धिकदृष्ट्या कसे सक्षम व्हावे, याबाबतच्या टिप्स सांगण्यात आल्या आहेत. याचबरोबर ताण दूर करण्यासाठी नेमके काय करावे याचे उपायही यामध्ये सुचवण्यात आले आहेत. पाच दिवसांचा हा उपक्रम यूट्युबवर उपलब्ध आहे. यात धैर्य आणि तणावाचे नियोजन, शिस्तबद्धता आणि तणावाचे नियमन तसेच तणावाचे नियमन असे तीन प्रकरणांचे व्हिडीओ सर्व विद्यार्थ्यांसाठी मोफत उपलब्ध करून देण्यात आले आहेत. विद्यार्थ्यांना तणावमुक्त करण्यासाठी परिषदेतर्फे वेगवेगळे उपक्रम राबवले जात आहेत. यात समुपदेशकांची नियुक्ती इथपासून ते अशा ऑनलाइन शिबिराच्या आयोजनांचा समोवश आहे. या व्हिडीओचा फायदा विद्यार्थ्यांना तणामुक्त करण्यासाठी होईल, असा विश्वास व्यक्त करण्यात येत आहे. हे व्हिडीओ सर्वांना 'हार्टफुलनेस मराठी' या यूट्युब चॅनेलवर पाहावयास मिळतील.

from Career News in Marathi: Career News, मराठी Career बातम्या | Maharashtra Times https://ift.tt/39KIFGa
via IFTTT