वैद्यकीय विद्यार्थ्यांना बाँड सेवा सक्तीची

म. टा. विशेष प्रतिनिधी मुंबई : राज्यात ३१ मार्चपूर्वी इंटर्नशिप संपवून एमबीबीएसची पदवी घेणाऱ्या पदवीधर डॉक्टरांना दोन वर्षांची बंधपत्र (बाँड) सेवा सक्तीची असेल, असा निर्णय आरोग्य शिक्षण संचलनालयाने घेतला आहे. यासाठी परिपत्रकात २५०० पदवीधर डॉक्टरांची यादी देण्यात आली आहे. अर्थात १० लाख रुपये भरून विद्यार्थ्यांना यातून सवलत घेता येऊ शकणार आहे. वैद्यकीय शिक्षणात पदवीधर झालेल्या विद्यार्थ्यांना दोन वर्षे ग्रामीण भागात जाऊन सेवा करणे बंधनकारक करण्यात आले आहे. मात्र काही रक्कम भरून या विद्यार्थ्यांना या बंधपत्रातून मुक्त होता येते. ही सवलत यंदाही कायम असली, तरी सध्याची करोनाची परिस्थिती लक्षात घेता राज्याच्या वैद्यकीय शिक्षण आणि संशोधन संचालनालयने (डीएमईआर) यंदा उत्तीर्ण होणाऱ्या विद्यार्थ्यांना ही सेवा करणे आवश्यक राहील असे स्पष्ट केले आहे. याबाबतचे परिपत्रक प्रसिद्ध करण्यात आले असून, यानुसार ही सेवा पूर्ण न करणाऱ्या विद्यार्थ्यांवर कारवाई करण्यात येणार आहे. यासाठी विद्यार्थ्यांना २१ एप्रिलपासून ऑनलाइन अर्ज करता येणार आहे. या विद्यार्थ्यांना ठाणे, पुणे, नाशिक, कोल्हापूर, नागपूर, अकोला, औरंगाबाद आणि लातूर विभागात अर्ज करण्यात येणार आहे. सध्या राज्यातील करोनाची स्थिती हाताळण्यासाठी सात हजार इंटर्न विद्यार्थी कार्यरत आहेत. तर ११ हजार परिचारिका लवकरच सेवेसाठी सज्ज होणार आहेत. ज्या विद्यार्थ्यांना पदव्युत्तर पदवी शिक्षण घ्यायचे आहे अशा विद्यार्थ्यांना त्यांचा प्रवेश निश्चित होईपर्यंत ही सेवा देणे आवश्यक असणार आहे. दरवर्षी विद्यार्थी प्रवेशावेळी ग्रामीण भागात सेवा देण्याबाबतच्या बंधपत्रावर स्वाक्षरी करतात. मात्र त्याचे पालन फार कमी जण करतात. परिणामी या परिपत्रकाद्वारे विद्यार्थ्यांना त्याचे स्मरण करून देण्यात आले आहे. हेही वाचा:

from Career News in Marathi: Career News, मराठी Career बातम्या | Maharashtra Times https://ift.tt/3dyHMTl
via IFTTT