गोवा शिक्षण मंडळाच्या दहावी, बारावी परीक्षा लांबणीवर

Postponed: माध्यमिक आणि उच्च माध्यमिक शिक्षण मंडळाने () पुढील आदेशांपर्यंत इयत्ता दहावी आणि बारावीच्या अंतिम परीक्षा स्थगित केल्या आहेत. मुख्यमंत्री प्रमोद सावंत यांनी याबाबतची घोषणा केली. त्यांनी सांगितले की बोर्ड परीक्षांच्या नव्या तारखांची घोषणा पुरेसा अवधी ठेवून करण्यात येईल. परीक्षांच्या १५ दिवस आधी विद्यार्थ्यांना सूचित केले जाईल. गोवा शिक्षण मंडळाच्या दहावी आणि बारावीच्या परीक्षा २४ एप्रिल पासून सुरू होणार होत्या. पण त्या आता लांबणीवर पडल्या आहेत. मागील आठवड्यात गोव्याच्या विरोधी पक्षांनी मागणी केली होती की २४ एप्रिलपासून सुरू होणाऱ्या राज्य मंडळाच्या दहावी आणि बारावीच्या परीक्षा लांबणीवर टाका किंवा मग कोविड-१९ च्या वाढत्या रुग्णसंख्येच्या पार्श्वभूमीवर या परीक्षा ऑनलाइन आयोजित केल्या जाव्यात. कोविड-१९ ची दुसरी लाट पाहता अनेक राज्य आणि केंद्रीय माध्यमिक शिक्षण मंडळ अर्थात सीबीएसई बोर्डाच्या दहावी आणि बारावीच्या अंतिम परीक्षा एक तर लांबणीवर टाकल्या आहेत किंवा मग रद्द केल्या आहेत. CBSE आणि CISCE यासारख्या दोन केंद्रीय शिक्षण मंडळांनीही दहावीच्या परीक्षा रद्द केल्या आहेत आणि बारावीच्या परीक्षा लांबणीवर टाकल्या आहेत.

from Career News in Marathi: Career News, मराठी Career बातम्या | Maharashtra Times https://ift.tt/2Qp4Wmb
via IFTTT