NEET PG 2021 परीक्षेसाठी कोविड सुरक्षा गाइडलाइन्स जारी

2021: नॅशनल बोर्ड ऑफ एक्झामिनेशन (NBE) ने १८ एप्रिल रोजी होणारी नॅशनल एलिजिबिलिटी कम एन्ट्रन्स टेस्ट पोस्ट ग्रेजुएट (NEET PG 2021) साठी COVID-19 अॅडवायजरी जारी केली आहे. बोर्डाने असेही सांगितले आहे की परीक्षा नियोजित कार्यक्रमानुसार होईल. NEET PG 2021 परीक्षेचे नियोजन सुरक्षित पद्धतीने करण्यासाठी आरोग्यविषयक खबरदारीच्या सूचना जारी करण्यात आल्या आहेत. सेम स्टेट सेंटर NBE ने देशभरात परीक्षा केंद्रांची संख्या वाढवली आहे. ज्या उमेदवारांनी 'अन्य' हा पर्याय निवडला होता, त्यांना आंतर-राज्य यात्रा टाळण्यासाठी त्यांच्या पोस्टल अॅड्रेसच्या अनुषंगाने परीक्षा केंद्रांचे वाटप करण्यात आले होते. कोविड ई पास परीक्षेसाठी उमेदवारांच्या प्रवासासाठी त्यांचे NEET PG अॅडमिट कार्ड एक COVID E-PASS सारखे देखील काम करेल. सर्व राज्यांना यासंबंधी सूचित केले जात आहे. परीक्षा केंद्रांवर प्रवेश परीक्षा केंद्रांवरील गर्दी टाळण्यासाठी उमेदवारांनी परीक्षा केंद्रावर येण्यासाठी ठराविक वेळ नेमून दिली जाणार आहे. हा वेळेचा स्लॉट उमेदवारांना ईमेल आणि एसएमएसच्या माध्यमातून व्यक्तिगत स्वरुपात सूचित केला जाईल. थर्मल गनचा उपयोग करून प्रवेशद्वारावर उमेदवारांचे तापमान तपासले जाईल. सामान्य तापमानापेक्षा जास्त तापमान असलेल्या COVID -19 संक्रमणाचे कोणतेही लक्षण आढळल्यास त्या उमेदवारांना स्वतंत्र आयसोलेशन रूममध्ये परीक्षा देण्याची परवानगी असेल. फेस मास्क उमेदवारांना फेस मास्क शिवाय परीक्षा केंद्रांवर प्रवेश करण्याची अनुमती नसेल. COVID-19 सुरक्षात्मक गियर सुरक्षा किट सर्व उमेदवारांना एक सुरक्षा गियर सुरक्षा किट दिले जाईल, यात एक फेस शील्ड, एक फेस मास्क आणि फाइव हँड सॅनिटाइजर पाउच असेल. सर्व उमेदवारांना परीक्षेवेळी फेस शील्ड घालणे अनिवार्य असेल. परीक्षा संपल्यावर उमेदवारांनी परीक्षा केंद्रांतून बाहेर पडताना गर्दी टाळावी लागेल, जेणेकरून सोशल डिस्टन्सिंगचे पालन केले जाईल.

from Career News in Marathi: Career News, मराठी Career बातम्या | Maharashtra Times https://ift.tt/3mytiFZ
via IFTTT