UPSC NDA परीक्षा रविवारी; कोविड गाइडलाइन्स जारी

NDA I 2021: केंद्रीय लोकसेवा आयोगाने (UPSC) रविवारी एनडीए व नौदल अकादमी म्हणजे UPSC NDA I परीक्षा 2021 चे आयोजन केले आहे. परीक्षा देशभरात विविध परीक्षा केंद्रांवर ऑफलाइन मोड मध्ये आयोजित केली जाणार आहे. UPSC NDA I परीक्षा दोन सत्रात होणार आहे. पहिले सत्र सकाळी १० वाजता तर दुसरे सत्र सत्र दुपारी २ वाजल्यापासून सुरू होणार आहे. या परीक्षेच्या माध्यमातून ४०० पदे भरली जाणार आहेत. लेखी परीक्षेत गणित आणि सामान्यज्ञानासंबंधी प्रश्न विचारले जातील. परीक्षेचा कालावधी पाच तासांची आहे. गणिताचा पेपर ३०० तर सामान्यज्ञानाचा पेपर ६०० गुणांचा असेल. लेखी परीक्षेत वस्तुनिष्ठ प्रकारचे प्रश्न असतील. उमेदवारांसाठी महत्वपूर्ण निर्देश १. उमेदवारांना केवळ OMR शीट मध्ये (उत्तरपत्रिका) उत्तर लिहिणे आणि नंबरींगसाठी काळ्या रंगाच्या बॉल पॉइंट पेनचा उपयोग करायचा आहे. कोणत्याही अन्य रंगाचं पेन वापरण्यास मनाई आहे. २. उमेदवारांनी परीक्षा केंद्रात अॅडमिट कार्ड सोबत बाळगणे बंधनकारक आहे. ई-एडमिट कार्डचे प्रिंटआउट आणि ई-एडमिट कार्डात नमूद केलेले ओळखपत्र सोबत न्यावे. ३. जर अॅडमिट कार्डातील छायाचित्र सुस्पष्ट नसेल तर उमेदवारांनी दोन समान छायाचित्रे सोबत न्यावीत. ४. परीक्षा सुरू होण्याआधी एक तास अगोदर उमेदवारांनी परीक्षा केंद्रावर पोहोचणे आवश्यक आहे. परीक्षा केंद्रातील प्रवेश नियोजित वेळेच्या दहा मिनिटे आधी बंद करण्यात येईल. ५. COVID-19 संबंधी भारत सरकार द्वारे जारी सभी आवश्यक दिशानिर्देशांचे पालन करणे बंधनकारक आहे. फेस मास्क वापरणे, सॅनिटायजर सोबत ठेवणे आणि सोशल डिस्टेंसिंगचे नियम पाळणे उमेदवार, पर्यवेक्षक आणि अन्य कर्मचाऱ्यांसाठी बंधनकारक असेल. रविवार दि १८ एप्रिल २०२१ रोजी होणा-या संघ लोकसेवा आयोगाच्या एन.डी.ए.व नौसेना अकादमी परिक्षेबाबत मुंबई शहर जिल्हाधिकारी यांनी सूचना दिल्या आहेत . या परीक्षेसाठी महाराष्ट्र शासनाच्या दि. १३ एप्रिल २०२१ रोजीच्या Break the Chain आदेशातील मुद्दा क्र. 9 (डी) व महानगरपालिका आयुक्त बृहन्मुंबई यांचेकडोल आदेश MCG/A/6202 यातील मुदा १ नुसार उमेदवार व त्यांच्यासोबत एक पालक यांना वैध प्रवेशपत्राच्या आधारे परीक्षेला हजर राहणेसाठी प्रवास करणे व कोविङ-१९ प्रतिबंधीत क्षेत्राच्या बाहेर जाणेसाठी मुभा देण्यात आली आहे, याची सर्व संबंधितांनी नोंद घ्यावी, असे मुंबई शहर जिल्हाधिकारी कार्यालयामार्फत प्रसिद्धीपत्रकाद्वारे कळविण्यात आले आहे.

from Career News in Marathi: Career News, मराठी Career बातम्या | Maharashtra Times https://ift.tt/3ajLLRE
via IFTTT