इयत्ता पाचवी, आठवी शिष्यवृत्ती परीक्षा पुन्हा लांबणीवर

Update: महाराष्ट्र राज्य परीक्षा परिषदेतर्फे घेण्यात येणारी दुसऱ्यांदा लांबणीवर टाकण्यात आली आहे. इयत्ता पाचवी आणि आठवीसाठी ही परीक्षा आयोजित करण्यात येते. ही परीक्षा येत्या २३ मे २०२१ रोजी राज्यभरात घेण्यात येणार होती. परीक्षेची पुढील तारीख यथावकाश कळवण्यात येईल, असे महाराष्ट्र राज्य परीक्षा परिषदेचे आयुक्त तुकाराम सुपे यांनी प्रसिद्धीस दिलेल्या पत्रकात नमूद करण्यात आले आहे. या परिपत्रकात असे म्हटले आहे की 'राज्यातील सर्व जिल्ह्यांमध्ये करोना विषाणूचा वाढता प्रादुर्भाव पाहता विद्यार्थी हितास प्राधान्य देऊन शिष्यवृत्ती परीक्षा पुढे ढकलण्यात येत आहे. परीक्षेची पुढील तारीख यथावकाश कळवण्यात येईल.' शिष्यवृत्ती परीक्षा दुसऱ्यांदा पुढे ढकलण्यात आली आहे. ही परीक्षा यंदा सर्वप्रथम २५ एप्रिल रोजी आयोजित करण्यात आली होती. त्यानंतर ही परीक्षा राज्यातील सर्व जिल्ह्यांमध्ये २३ मे रोजी ऑफलाइन पद्धतीने होईल असे परिषदेने म्हटले होते. मात्र सध्याच्या वाढत्या कोविड-१९ संक्रमण काळात ही परीक्षा आयोजित करणे हे विद्यार्थ्यांच्या आरोग्याच्या दृष्टीने हितावह नसल्याने परीक्षा लांबणीवर टाकण्याचा निर्णय परिषदेने घेतला.

from Career News in Marathi: Career News, मराठी Career बातम्या | Maharashtra Times https://ift.tt/3f5uaOP
via IFTTT