शिक्षकांचे पगार एक तारखेला करा; मागणीसाठी शिक्षकांचे ऑनलाइन आंदोलन

म. टा. प्रतिनिधी, औरंगाबाद जिल्हा परिषद एक तारखेला करावेत, या मागणीसाठी जिल्ह्यातील शिक्षकांनी ऑनलाइन आंदोलन केले. मागील वर्षभरापासून शिक्षकांचे पगार अवेळी होत आहेत. एकेक दोन-दोन महिने पगार उशिरा होत असल्यामुळे शिक्षकांना आर्थिक बोजा सहन करावा लागत आहे. जिल्हाभरातील सर्व संघटनांनी अनेक वेळा जिल्हा प्रशासनाला पगार सीएमपी प्रणालीद्वारे करा अशी मागणी केली, परंतु जिल्हा परिषदेचे प्रशासन गांभीर्याने घेत नाही. शिक्षकांच्या अडचणी समजून घेत नाही आणि सध्या कोविड परिस्थिती असल्यामुळे संघटनाचे प्रतिनिधी जिल्हा परिषद मुख्यालयात जात नाहीत, त्यामुळे पाठपुरावा करण्यास अडचण आहे. पगार एक तारखेला झाले पाहिजे यासाठी जिल्ह्यातील सर्वच शिक्षकांनी एकत्र येऊन अनोखे आंदोलन करण्याचा निर्णय घेतला आणि ऑनलाइन आंदोलन केले. शिक्षकांनी आपल्या घरीच राहून पगार एक तारखेला करा, पगार सीसीएमपी द्वारे करा असे पोस्टर वर लिहून फोटो मुख्यमंत्री ते गटशिक्षणाधिकारी यांच्यापर्यंत सर्वांना रोज २०० फोटो पाठवायचा निर्णय घेतला. आंदोलनाची सुरुवात आज दहा मे पासून करण्यात आली आहे. आंदोलन कोणत्याही संघटनेच्या बॅनरखाली नसून शिक्षकांच्या हितासाठी सर्व शिक्षकांच्या नेतृत्वाखाली संघटना विरहित आंदोलन केले जाणार आहे, असे या शिक्षकांनी सांगितले.

from Career News in Marathi: Career News, मराठी Career बातम्या | Maharashtra Times https://ift.tt/3hiKKgW
via IFTTT