अकरावी प्रवेशाबाबत फेसबुक लाइव्हच्या माध्यमातून मार्गदर्शन

म. टा. प्रतिनिधी, पुणे अकरावीची प्रवेश प्रक्रिया कधी सुरू होणार, यंदा प्रवेश प्रक्रिया कोणत्या पद्धतीने होईल, कोणती विद्याशाखा निवडावी, अकरावीसाठी चांगले कॉलेज कोणते, अशा अनेक प्रश्नांची उत्तरे विद्यार्थ्यांना 'अकरावीच्या उंबरठ्यावर' या विषयावरील फेसबुक लाइव्ह आणि वेबिनारमधून मिळणार आहेत. अकरावी प्रवेशाबाबत फेसबुक लाइव्ह आणि वेबिनारद्वारे तज्ज्ञांकडून विद्यार्थी आणि पालकांच्या मनातील शंकांचे निरसन होणार आहे. 'इग्नाइट एज्युकॉन' आणि 'महाराष्ट्र टाइम्स' यांच्या वतीने 'अकरावीच्या उंबरठ्यावर' या मार्गदर्शनपर उपक्रमाचे आयोजन करण्यात आले आहे. यंदा करोनाच्या प्रादुर्भावामुळे दहावीच्या परीक्षा रद्द झाल्या असून, अकरावी प्रवेशासाठी स्वतंत्र 'सीईटी' परीक्षेची चाचपणी सुरू आहे. अशा परिस्थितीत अकरावी प्रवेशाबाबत विद्यार्थी आणि पालकांच्या मनात अनेक शंका आहेत. या शंकाचे निरसन फेसबुक लाइव्ह आणि वेबिनारच्या माध्यमातून होणार आहे. उद्या, मंगळवारी (१८ मे) सकाळी अकरा वाजता फेसबुक लाइव्ह होईल. त्याचप्रमाणे रविवारी (२३ मे) सकाळी साडेदहा वाजता वेबिनार होणार आहे. या फेसबुक लाइव्ह आणि वेबिनारमध्ये करिअर मार्गदर्शक शंतनू देशपांडे विद्यार्थ्यांना मार्गदर्शन करणार आहेत. गेल्या अनेक वर्षांपासून देशपांडे दहावीच्या विद्यार्थ्यांना करिअरच्या दृष्टीने मार्गदर्शन करीत असून, त्यांनी आतापर्यंत ३०० पेक्षा अधिक सेमिनार घेतले आहेत. या फेसबुक लाइव्ह आणि वेबिनारची सविस्तर माहिती 'मटा कल्चर क्लब'च्या www.mtcultureclub.com या वेबसाइटवर मिळेल.

from Career News in Marathi: Career News, मराठी Career बातम्या | Maharashtra Times https://ift.tt/3yf3FiM
via IFTTT