परिस्थिती नियंत्रणात नसल्याने दहावीची परीक्षा रद्द

म. टा. विशेष प्रतिनिधी, मुंबई update: 'करोनाचे संकट पुन्हा गहिरे झाल्याने राज्यातील दहावीच्या विद्यार्थ्यांची परीक्षा पुढे ढकलावी लागली आणि नंतर परिस्थिती नियंत्रणात न राहिल्याने परीक्षा रद्द करण्याचा निर्णय घ्यावा लागला', अशी भूमिका राज्य सरकारने बुधवारी मुंबई उच्च न्यायालयात मांडली. मात्र, तांत्रिक कारणांमुळे सुनावणी पुढे ढकलण्याची विनंती राज्य सरकारतर्फे करण्यात आल्याने न्या. शाहरुख काथावाला व न्या. सुरेंद्र तावडे यांच्या खंडपीठाने या प्रश्नावरील सुनावणी आज, गुरुवारी पुन्हा ठेवली. 'राज्य सरकार हा प्रश्न इतक्या सहजतेने का घेत आहे? इतर अनेक प्रकरणांमध्ये राज्य सरकार ज्येष्ठ वकिलांची नेमणूक विशेष सरकारी वकील म्हणून करत असते, मग महाधिवक्ता रजेवर असतील तर या महत्त्वाच्या प्रकरणात ज्येष्ठ वकिलांची नेमणूक का करण्यात आली नाही?' असा प्रश्नही खंडपीठाने उपस्थित केला. दहावीच्या परीक्षा का घेत नाही? परीक्षा कधी होणार आहेत? अशी विचारणा मुंबई उच्च न्यायालयाने बुधवारी राज्य सरकारला केली आहे. १६ लाख विद्यार्थ्यांच्या परीक्षेच्या प्रश्नाबाबत राज्य सरकार ‘कॅज्युअली’ कसे काय वागू शकते, असा प्रश्न उपस्थित करून सरकारच्या कारभारावर नाराजी व्यक्त करण्यात आली आहे. करोनाच्या पार्श्वभूमीवर राज्य सरकारने महाराष्ट्र राज्य माध्यमिक आणि उच्च माध्यमिक शिक्षण मंडळाची दहावीची परीक्षा रद्द केली आहे. या परीक्षा रद्द करण्याच्या निर्णया विरोधात सावित्रीबाई फुले पुणे विद्यापीठाचे माजी सिनेट सदस्य धनंजय कुलकर्णी यांनी याचिका दाखल केली आहे. त्यांच्या वतीने विधिज्ञ अॅड. उदय वारुंजीकर बाजू मांडत आहेत. न्यायालयाच्या आदेशाप्रमाणे केंद्रीय माध्यमिक शिक्षण मंडळ (सीबीएसई), राज्य मंडळ, केंद्र सरकार यांनी प्रतिज्ञापत्र सादर केले आहेत. याबाबत बुधवारी सायंकाळी झालेल्या सुनावणीत मुंबई उच्च न्यायालयाच्या न्यायमूर्तींनी राज्य सरकारवर नाराजी व्यक्त केली आहे. राज्य सरकारची बाजू मांडण्यासाठी महाधिवक्ता उपस्थित का नाही, अशी विचारणा दोनदा न्यायमूर्तींनी केली. राज्य सरकारला आणखी वेळ हवा असल्याने, याबाबत पुढची सुनावणी आज, गुरुवारी घेण्यात येईल, असे न्यायमूर्तींनी स्पष्ट केल्याचे अॅड. वारुंजीकर यांनी सांगितले. संबंधित बातम्या वाचा:

from Career News in Marathi: Career News, मराठी Career बातम्या | Maharashtra Times https://ift.tt/3hFT1M0
via IFTTT